ىلە-الاتاۋ ۇلتتىق تابيعي پاركىنىڭ ايۋساي شاتقالىندا ناۋرىزباي اۋدانىنىڭ مەكتەپ وقۋشىلارى مەن پەداگوگتارىنىڭ قاتىسۋىمەن اۋقىمدى ەكولوگيالىق سەنبىلىك ءوتتى، دەپ حابارلايدى aqshamnews.kz
ءىس-شارا «تaza قازاقستان» جانە «پاركتەر شەرۋى – 2025» ەكولوگيالىق اكسيالارى اياسىندا ۇيىمداستىرىلدى. شارانى ۇيىمداستىرۋشى — الماتى قالاسى ءبىلىم باسقارماسى.
مەكتەپ وقۋشىلارى مەن ولاردىڭ مۇعالىمدەرى 3 گەكتار اۋماقتى تازالاپ، 2،5 توننا قوقىس جينادى. سەنبىلىككە قاتىسۋشىلاردىڭ ءبىرى — 8 «ا» سىنىپ وقۋشىسى قالدىبەك ميراس پەن ەكوۇيىم جەتەكشىسى جاقىپاقىن شىنار نۇرداۋلەت قىزىنىڭ ايتۋىنشا، بۇل ەكولوگيالىق اكسيا تابيعاتقا تۇتىنۋشىلىق كوزقاراسقا قارسى شىعىپ، قورشاعان ورتانى قورعاۋعا جانە الماتىدا ەكولوگيالىق ءتۋريزمدى دامىتۋعا بەيجاي قارامايتىن جانداردى بىرىكتىردى.
ناۋرىزباي اۋداندىق ءبىلىم ءبولىمىنىڭ باسشىسى سالتانات قۇسايىنوۆانىڭ ايتۋىنشا، ايۋساي شاتقالى — قالانىڭ شەكاراسىندا ورنالاسقانىمەن، تابيعات اياسىندا تىنىعۋعا مۇمكىندىك بەرەتىن بىرەگەي ورىن. الماتى تۇرعىندارى مەن وڭتۇستىك استانانىڭ قوناقتارى بۇل جەرگە وتباسىلارىمەن كەلىپ، جاياۋ جۇرگىنشىلەرگە ارنالعان سوقپاق جولدارمەن سەرۋەندەپ، تازا اۋامەن تىنىستاۋعا كەلەدى.
«بالالارىمىز ەرەكشە اسەر الدى. ولار مەگاپوليستى قورشاعان تابيعاتتىڭ سۇلۋلىعىن بالا كەزدەن سەزىنىپ قانا قويماي، سونى ساقتاپ، بيولوگيالىق ارتۇرلىلىكتى قورعاۋ قاجەتتىگىن دە تۇسىنگەنى ماڭىزدى. بۇگىن ەكولوگيالىق مادەنيەتتى قالىپتاستىرا وتىرىپ، ءبىز ەرتەڭگى جاۋاپتى ۇرپاقتى تاربيەلەيمىز»، دەپ اتاپ ءوتتى سالتانات قۇسايىنوۆا.
ناۋرىزباي اۋدانىنىڭ مەكتەپ وقۋشىلارىنا قورشاعان ورتاعا ۇقىپتى قاراۋ جانە تاۋداعى قاۋىپسىزدىك تۋرالى تاقىرىپتاردا دارىستەر وقىلدى. بۇل ەكولوگيالىق سەنبىلىك ولاردىڭ ومىرىندەگى جارقىن ەستەلىكتەردىڭ بىرىنە اينالىپ، ۇزاق ۋاقىت جادىدا قالارى ءسوزسىز.