پاۆلودار وبلىسىندا بەلگىلى قازاق اقىنى، ادەبيەتتانۋشى، بالالار جازۋشىسى مۇزافار الىمبايەۆتىڭ 100 جىلدىعى اتاپ ءوتىلدى، دەپ حابارلايدى- Almaty-akshamy.kz inbusiness.kz-كە سىلتەمە جاساپ.
مۇزافار الىمبايەۆ "الاتاۋ باۋرايىندا"، "مەنىڭ قازاقستانىم"، "بالداۋرەن، شىركىن، بالالىق"، "اقسەرەك تە كوكسەرەك" جانە تاعى دا باسقا شىعارمالارى تمد مەن شەت ەلدەردىڭ 20 تىلىنە اۋدارىلعان پوەتيكالىق جيناقتاردىڭ اۆتورى.
قازاقستاننىڭ تۇڭعىش ءانۇرانىنىڭ اۆتورلارىنىڭ ءبىرى، ق ر مەملەكەتتىك سىيلىعىنىڭ لاۋرەاتى، ەڭبەك سىڭىرگەن مادەنيەت قايراتكەرى، ۇلى وتان سوعىسىنىڭ ارداگەرى، پاۆلودار وبلىسىنىڭ قۇرمەتتى ازاماتىن ءوزىنىڭ تۋعان جەرى شارباقتى اۋدانىندا ەسكە الدى.
سالتاناتتى شاراعا وبلىس اكىمى اسايىن بايحانوۆ قاتىسىپ، مۇزافار الىمبايەۆتىڭ كىتاپتارى مەن جەكە زاتتارى قويىلعان كورمەگە باردى.
"مۇزافار الىمبايەۆتىڭ پوەزياسى - كلاسسيكانىڭ ۇلگىسى عانا ەمەس، سونىمەن قاتار، قازاق ءتىلىنىڭ باستى قازىناسى. ول "بالدىرعان" بالالار جۋرنالىنىڭ نەگىزىن قالاپ، قازاق بالالار ادەبيەتىنىڭ دامۋىنا ەلەۋلى ۇلەس قوستى. اقىننىڭ ولەڭدەرىنە 200-دەن استام ءان جازىلعان جانە ولار بۇگىنگى كۇنگە دەيىن كوپشىلىككە تانىمال"، - دەپ اتاپ ءوتتى وبلىس اكىمى.