مۋتاسيالانعان «دەلتا» شتامى بۇكىل الەمگە تارالىپ جاتىر

پاندەميا باستالعاننان بەرى «دەلتا» ينفەكسياسى 163 مەملەكەتتە تىركەلگەن.

SARS-COV-2 مۋتاسيالانعان «دەلتا» شتامى بۇكىل الەمگە تارالىپ جاتىر، دەپ حابارلايدى Almaty-akshamy.kz  COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.

ۆيرۋستىڭ بۇل موديفيكاسياسى تاعى 15 ەلدە انىقتالدى، دەپ جاريالاندى دۇنيەجۇزىلىك دەنساۋلىق ساقتاۋ ۇيىمىنىڭ سايتىندا. سونىمەن قاتار، شۆەسيانىڭ ۋپپسالا قالاسىندا قوسىمشا مۋتاسياسى بار جاڭا «دەلتا» شتامى تارالا باستادى. پاندەميا باستالعاننان بەرى «دەلتا» ينفەكسياسى 163 مەملەكەتتە تىركەلدى، «الفا» شتامى 192 ەلدە، «بەتا» نۇسقاسى 141 مەملەكەتتە، «گامما» ءتۇرى 86 ەلدە راستالدى.

جاپونيا

جاپونيا ۇكىمەتى كوروناۆيرۋستىڭ تارالۋىنا بايلانىستى كارانتيندىك شەكتەۋ ەرەجەلەرىن قاتاڭداتۋعا ءماجبۇر، ەلدىڭ تاعى سەگىز ايماعىندا توتەنشە جاعداي رەجيمى ەنگىزىلەدى. بۇل شەكتەۋلەر قوسىمشا حيروسيما، حوككايدو، مياگي، ايچي، گيفۋ، ميە، وكاياما جانە سيگا پرەفەكتۋرالارىن قامتيدى. اتالعان اۋماقتاردا توتەنشە جاعداي 27 تامىزدان باستاپ ەنگىزىلەدى جانە 12 قىركۇيەككە دەيىن جالعاسادى. شەكتەۋ شارالارى جاپونيانىڭ 47 پرەفەكتۋراسىنىڭ 21-ىنە تارالادى.

پولشا

جۋىق ارادا پولشانىڭ ۇكىمەت جانىنداعى مەديسينالىق كەڭەسى كوروناۆيرۋسقا قارسى ۆاكسينانىڭ ءۇش كومپونەنتتى ءتۇرىن قولدانۋ ماسەلەسىن قاراستىرادى. قازىرگى تاڭدا نەگىزىنەن COVID-19 ۆاكسيناسياسىن ەكى كومپونەنتتى ۇلگىلەرى قولدانىلىپ كەلەدى. بۇل تۋرالى پولشانىڭ دەنساۋلىق ساقتاۋ ءمينيسترى ادام نەدزەلسكيي مالىمدەدى.

يندونەزيا

يندونەزيادا بيلىك ياۆا مەن بالي ارالدارىنداعى كوروناۆيرۋسقا قارسى شارالاردىڭ 30 تامىزعا دەيىن ۇزارتىلعانىن حابارلادى. قىزمەت كورسەتۋ سالاسىنداعى مەكەمەلەر مەن قوعامدىق تاماقتانۋ نىساندارىنىڭ جۇمىسى ازداعان شەكتەۋلەرمەن جۇزەگە اسىرىلاتىن بولادى، سونداي-اق كومپانيا قىزمەتكەرلەرىنىڭ 30-50%-ى ءۇشىن قاشىقتان جۇمىس فورماتى قولدانىلاتىن بولادى.