ەندى مەكتەپ قابىرعالارىندا دومبىرا تارتۋدى ۇيرەتەتىن ءپان پايدا بولادى.
بۇل تۋرالى ى.التىنسارين اتىنداعى ۇلتتىق ءبىلىم اكادەمياسىنىڭ ۆيسە-پرەزيدەنتى الماگۇل مۇحامەدحانوۆا مالىمدەدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
الماگۇل مۇحامەدحانوۆا بۇل ءپاندى التىنشى سىنىپتان باستاپ ەنگىزۋ قاجەتتىگىن اتاپ ءوتتى. ءقازىر وقىتۋ باعدارلاماسى ساراپتامادان ءوتىپ، كەيىن بارلىق ءبىلىم بەرۋ ۇيىمدارىنا جىبەرىلەتىن بولادى.
«ۇلتتىق قۇندىلىقتار – وتە ماڭىزدى. ءبىز ءوز وتانىن ءسۇيىپ قانا قويماي، وعان ادال، ءوز حالقى مەن وتانىنىڭ يدەيالارىن، قۇندىلىقتارىن ناسيحاتتايتىن ازاماتتاردى قالىپتاستىرۋىمىز كەرەك. ءبىراق بۇل بارلىق بالالار ءپاندى تەز ۇيرەنەدى دەگەندى بىلدىرمەيدى. بارلىعى مەكتەپتىڭ دايىندىعى مەن رەسۋرستارىنا بايلانىستى بولادى»، - دەدى الماگۇل مۇحامەدحانوۆا ەلوردادا وتكەن ءبىلىم بەرۋ ماسەلەلەرى جونىندەگى تامىز كونفەرەنسياسىندا.