TikTok جەلىسىندە الىشەر تەمەنوۆ ەسىمدى جىگىت مۇقاعالي ماقاتايەۆتى “سورلى ەركەك” دەپ اتاپ، سىننىڭ استىندا قالعان بولاتىن.
ماقاتايەۆتى قورلاعان تيكتوكەر اقىننىڭ ەسكەرتكىشىنە بارىپ، تىزەرلەپ كەشىرىم سۇرادى، دەپ حابارلايدى aqshamnews.kz
ول كەزەكتى ريلسىندا مۇقاعالي ماقاتايەۆتى ومىرىنە شاعىمدانا بەرەتىن سورلى ەركەك دەپ اتاعان.
"بۇگىن مەنىڭ تۋعان كۇنىم وي ءپالى-اي، مىنا ادامدار نەگە جاتىر تويلاماي" دەيدى. "ەي، سەن جامان ءسوز) ءبىرىنشى جاساساڭشى تۋعان كۇنىڭدى. سوسىن بارامىز عوي. "بانكەت جاساپ بەرەر ەدىم ءوزىم-اق، ءتاڭىردىڭ ءبىر جارىتپاي-اق قويعانى-اي" دەيدى. قۇدايدىڭ نە قاتىسى بار؟ سەنىڭ تۋعان كۇنىڭدە ۇستەلىڭنىڭ جايىلىپ تۇرعانى قۇدايعا بايلانىستى ما؟ ءوزىڭ جاسا! ەركەكسىڭ عوي، نە ءۇشىن وتىرسىڭ مىنا جەردە؟ وتانىڭدى قورعايسىڭ – ەركەكسىڭ، اۋلەتىڭدى قورعايسىڭ – ەركەكسىڭ. ايەلىڭدى قورعايسىڭ – ەركەكسىڭ. ۇكىمەتتەن "ءۇيدى قاشان بەرەدى" دەپ كۇتىپ وتىرساڭ، وندا سەن ەركەك ەمەسسىڭ"، – دەيدى ول.
بلوگەر بۇل سوزدەرىنەن كەيىن قوعامنىڭ سىنىنا ۇشىرادى.
بلوگەردىڭ وسى ارەكەتىنەن كەيىن مۇقاعالي ماقاتايەۆتىڭ ەسكەرتكىشىنىڭ الدىنا بارىپ، باسىن ءيىپ كەشىرىم سۇراعان ۆيدەوسى تارادى.
"قازاق ەلىنىڭ الدىندا جاساپ قويعان ۇلكەن ءبىر ەركەلىگىمدى ارۋاق كەشىرسىن دەگەن نيەتپەن ءدال ءقازىر مۇقاعالي اتامىزدىڭ ءۇيىنىڭ الدىندا تۇرمىن. بارشا قازاق ەلىنەن جاساعان ۇلكەن قاتەلىگىم ءۇشىن كەشىرىم سۇرايمىن"،-دەدى بلوگەر الىشەر تەمەنوۆ.