ەسترادا ءانشىسى ميراس جۇگىنىسوۆ كەيىنگى كۇندەرى قوعامدا ۇلكەن تالقىعا تۇسكەن اعاسى رۇستەم جۇگىنىسوۆتىڭ مالىمدەمەسىنە قاتىستى ءوز ويىن ءبىلدىرىپ، جۇرتشىلىقتان كەشىرىم سۇرادى. ول بۇل تۋرالى Threads الەۋمەتتىك جەلىسىندەگى پاراقشاسىندا جازدى، - دەپ حابارلايدى اqshamnews.kz.
بۇعان دەيىن نە بولدى؟
اقتوبەدەگى مەشىتتە مۇسىلمانشا كيىنگەن ەر ادام ناماز وقۋعا بارعان قىزعا ينتيمدىك قارىم-قاتىناس ءۇشىن "ءبىر رەتتىك نەكە" ۇسىنعان بولاتىن. وقيعاعا ميراستىڭ اعاسى رۇستەم جۇگىنىسوۆ پىكىر ءبىلدىرىپ، قىزدىڭ ءوزىن كىنالاعان ەدى. ونىڭ پىكىرى جەلىدە ۇلكەن رەزونانس تۋدىرىپ، جۇرت جۇگىنىسوۆتەر وتباسىنا حەيت جاۋدىردى.
"بارشا جاننان كەشىرىم سۇرايمىن!"
اعاسىنىڭ ايتقانى ءۇشىن ميراس تا ايىپتالىپ، كوپشىلىك ونىڭ جاقىندا بولاتىن كونسەرتىنە بارمايتىندارىن جارىس جازدى. جاعدايدى بەي-جاي قالدىرماي ميراس جۇگىنىسوۆ تhreads-تەگى پاراقشاسىندا جازبا جاريالادى. ونىڭ ايتۋىنشا، ءاربىر ادامنىڭ ءوز پىكىرى بار، الايدا بۇل تۇستا وتباسى مۇشەلەرىنىڭ كوزقاراستارى بىردەي بولا بەرمەيدى.
"سوڭعى ۋاقىتتا اعامنىڭ ايتقان سوزدەرى قوعامدا ۇلكەن رەزونانس تۋدىرىپ، كەيبىر ازاماتتاردىڭ كوڭىلىنە قاياۋ ءتۇسىردى. ول – ءوز ويىن ايتقان جەكە تۇلعا. ال مەن ءوز جولىممەن جۇرگەن، جەكە ۇستانىمى بار اداممىن. وتباسىما دەگەن قۇرمەتىم زور، ءبىراق تۋىستارىمنىڭ پىكىرى مەنىمەن ءاردايىم سايكەس كەلە بەرمەيدى. وسى سەبەپتەن كەيدە كەلىسپەۋشىلىكتەر تۋىندايتىنى دا راس"، – دەپ جازدى ءانشى.
سونىمەن قاتار، ميراس جۇگىنىسوۆ بۇل جاعدايدان كەيىن رەنجىگەن جانداردان كەشىرىم سۇرادى. ول ءوزىنىڭ شىعارماشىلىعىندا ايەل ادامدارعا دەگەن قۇرمەتتى ءبىرىنشى ورىنعا قوياتىنىن اتاپ ءوتتى.
ايتا كەتەيىك، قىركۇيەكتە الماتى قالاسىنداعى ورتالىق ستاديوندا ميراس جۇگىنىسوۆتىڭ جەكە كونسەرتى وتەدى دەپ جوسپارلانىپ وتىر.