قازاقستان قور بيرجاسىندا (KASE) 1 تامىزدا دوللاردىڭ ورتاشا باعامى 543،24 تەڭگە بولدى. بۇل الدىڭعى كۇنمەن سالىستىرعاندا 2،52 تەڭگەگە جوعارى. ۇلتتىق بانكتىڭ رەسمي باعامى – 540،78 تەڭگە، - دەپ حابارلايدى اqshamnews.kz ءتىلشىسى.
ايىرباس باعامى:
-
الماتىدا: ساتىپ الۋ – 542،76 ₸، ساتۋ – 545،14 ₸
-
استانادا: ساتىپ الۋ – 540،48 ₸، ساتۋ – 547،48 ₸
ايتا كەتەيىك، 30 شىلدەدە كەيبىر ايىرباستاۋ پۋنكتەرىندە دوللار باعامى 550 تەڭگەدەن اسىپ كەتكەن بولاتىن. وسى جاعدايدان كەيىن ۇلتتىق بانك ۆاليۋتالىق ينتەرۆەنسيا جۇرگىزۋ تۋرالى شەشىم قابىلداعان ەدى.
سونلداي-اق، 31 شىلدە كۇنى ق ر ءبىرىنشى ۆيسە-پرەمەرى رومان سكليار ۇكىمەت وتىرىسىندا دوللار باعامىنىڭ ءوسىمى ۋاقىتشا قۇبىلىس ەكەنىن ايتىپ، تومەندەيدى دەگەن ءۇمىت ءبىلدىردى:
"مەنىڭ جانە ارىپتەستەرىمنىڭ بولجامى بويىنشا، دوللار باعامى قايتادان كەيىن شەگىنەدى. مۇنداي جوعارى كورسەتكىش ۇزاققا سوزىلمايدى. ءبىز مۇنداي جاعدايلاردى بۇرىن دا تالاي رەت بايقادىق. ۇلتتىق بانك تە ءتيىستى شارالاردى قولعا الادى، ال نارىق ءوزىن-وزى رەتتەيدى"، – دەدى ول.