قازاقستاندىق تانىمال بيزنەسمەن، ينۆەستور، مەسەنات، قوعام قايراتكەرى، Q4 بيزنەس توبىنىڭ نەگىزىن قالاۋشى، “ەرەن ەڭبەگى ءۇشىن”، “جومارت جان” مەدالدارىنىڭ يەگەرى تالعات ساقاننىڭ «ميلليون قارىزدان ميلليارد تابىسقا: شىڭعا شىعۋدىڭ شىنايى وقيعاسى» اتتى كىتابى جارىق كوردى.
تۋىندى قاراپايىم اۋىل بالاسىنىڭ قارىزدان شىعىپ، ميلليونداعان دوللارلىق كومپانيا قۇرعانعا دەيىنگى ءومىر جولىن باياندايتىن اسەرلى ەڭبەك. اۆتور ءوز ومىرىندە ورىن العان قۇلدىراۋ مەن قايتا ورلەۋ كەزەڭدەرىن اشىق جازىپ، سول تاجىريبەنىڭ نەگىزىندە جاتقان قۇندىلىقتار، تاۋەكەل، تاباندىلىق جانە جاۋاپكەرشىلىك تۋرالى شىنايى ساباقتارىمەن بولىسەدى.
كىتاپتا وقىرمان كاسىپتى باستاۋ، ويلاۋ جۇيەسىن وزگەرتۋ، ينۆەستور تارتۋ، كوماندا قۇرۋ جانە بيزنەستى ماسشتابتاۋ سياقتى ماڭىزدى تاقىرىپتاردى ناقتى مىسالدارمەن تۇسىندىرەدى. ءار ءبولىم - اۆتوردىڭ جەكە تاجىريبەسى مەن جىلدار بويى جيناعان بىلىمدەرىنىڭ جۇيەلى تۇردە بەرىلگەن قۇندى جول كارتاسى.
بۇل ەڭبەك - شىڭعا شىعۋدىڭ ىشكى جانە سىرتقى مەحانيزمدەرىن تۇسىنگىسى كەلەتىندەرگە ارنالعان. ءوز ءومىرىن قولىنا العىسى كەلەتىن، قارىزدان، قورقىنىشتان نەمەسە توقىراۋدان شىعۋدى كوزدەيتىن ءاربىر جان ءۇشىن بۇل كىتاپ سەنىمدى جەتەكشى بولا الادى.
اتالعان كىتاپ - اۆتوردىڭ شىنايى تاجىريبەسىنە نەگىزدەلگەن ىشكى ترانسفورماسيا مەن كاسىپكەرلىك ويلاۋدى دامىتۋعا ارنالعان پراكتيكالىق، موتيۆاسيالىق جول كورسەتكىش.
اننوتاسيادا بۇل كىتاپ اۆتوردىڭ قارىزدان شىعىپ، تابىسقا جەتۋ جولىنا، سونداي-اق قۇندىلىقتار، ويلاۋ جۇيەسى جانە كاسىپتى دامىتۋ قاعيداتتارىنا ارنالعانى كورسەتىلگەن.
كىتاپتىڭ نەگىزگى بولىمدەرىندە اۆتوردىڭ جەكە تاجىريبەسى، قۇندىلىقتار جۇيەسى، ويلاۋدى وزگەرتۋ قاعيداتتارى، كاسىپتى باستاۋ جولدارى، كوماندا قۇرۋ، ينۆەستيسيا تارتۋ جانە بيزنەستى ماسشتابتاۋ جونىندەگى پراكتيكالىق تاسىلدەرى باياندالادى.
تالعات ساقاننىڭ ءوز تاجىريبەسى بويىنشا جازىلعان «ميلليون قارىزدان ميلليارد تابىسقا: شىڭعا شىعۋدىڭ شىنايى وقيعاسى» كىتابى كاسىپكەرلىككە، ىسكەرلىككە، بيزنەسكە قىزىعۋشىلىق تانىتقان بارشا وقىرمانعا، جاستارعا، جوعارى وقۋ ورىندارىنىڭ ستۋدەنتتەرىنە ارنالعان.