الماتى اكىمى دارحان ساتىبالدى جۇمىس ساپارى بارىسىندا الماتىنىڭ بوستاندىق اۋدانىندا ورنالاسقان №37 قالالىق ەمحاناعا بارىپ، نىساننىڭ جۇمىسىن باستاۋعا دايىندىعىمەن تانىستى، - دەپ حابارلايدى Aqshamnews.kz.
ەمحانا گاگارين داڭعىلىندا ورنالاسقان جانە ءبىر اۋىسىمدا 500 ادامدى قابىلداۋعا ەسەپتەلگەن. مەديسينالىق مەكەمە مەديسينالىق-سانيتاريالىق العاشقى كومەك كورسەتۋدىڭ ءبىرىڭعاي ستاندارتتارىنا سايكەس كەلەدى، زاماناۋي مەديسينالىق جابدىقتارمەن تولىق قامتاماسىز ەتىلگەن جانە قوزعالىسى شەكتەۋلى ازاماتتار ءۇشىن تولىق بەيىمدەلگەن.
عيماراتتا ساۋلەلىك دياگنوستيكا ءبولىمى، حيرۋرگيا جانە تراۆماتولوگيا كابينەتتەرى، كلينيكالىق-دياگنوستيكالىق زەرتحانا، ەندوسكوپيا ءبولىمى، 20 ورىنعا ارنالعان كۇندىزگى ستاسيونار، ايەلدەر كونسۋلتاسياسى، سونداي-اق پروفيلاكتيكالىق جانە كونسۋلتاتيۆتىك-دياگنوستيكالىق قىزمەتتەر ورنالاسقان.
اتالعان ەمحانانىڭ قازاقستاندا العاشقى رەت ءبىرىڭعاي مساك ستاندارتى بويىنشا سالىنعان نىسان ەكەنى اتاپ ءوتىلدى. نىسان مەملەكەتتىك بيۋدجەت قاراجاتى ەسەبىنەن بوي كوتەرگەن. ونى پايدالانۋعا بەرۋ قالا حالقى سانىنىڭ ارتۋىن ەسكەرە وتىرىپ، مەديسينالىق كومەكتىڭ قولجەتىمدىلىگىن ارتتىرۋعا مۇمكىندىك بەرەدى.
نىساندى ارالاۋ قورىتىندىسى بويىنشا دارحان ساتىبالدى دەنساۋلىق ساقتاۋ سالاسىندا زاماناۋي ءارى جايلى جاعداي جاساۋ قازاقستان رەسپۋبليكاسى پرەزيدەنتى قاسىم-جومارت توقايەۆتىڭ تاپسىرمالارى اياسىندا جۇزەگە اسىرىلىپ جاتقانىن اتاپ ءوتتى. قالا اكىمى ينفراقۇرىلىمدى دامىتۋمەن قاتار مەديسينالىق ۇيىمداردى بىلىكتى ماماندارمەن تولىق قامتاماسىز ەتۋ جانە جۇمىستى مەديسينالىق كومەكتىڭ ساپاسى مەن قولجەتىمدىلىگىنە قويىلاتىن بەلگىلەنگەن ستاندارتتارعا ساي ۇيىمداستىرۋدىڭ ماڭىزدىلىعىن جەتكىزدى.
قازىرگى ۋاقىتتا الماتىدا مەديسينالىق-سانيتارلىق العاشقى كومەكتى 78 مەديسينالىق ۇيىم كورسەتەدى. ونىڭ 41ء-ى — مەملەكەتتىك، 37ء-سى — جەكەمەنشىك. تىركەلگەن حالىق سانى 2،3 ميلليوننان اسادى.
№37 قالالىق ەمحانانى اشۋ قاڭتار ايىنىڭ ورتاسىنا جوسپارلانىپ وتىر.