«مەنىڭ انام!» بايقاۋىنىڭ جەڭىمپازدارى انىقتالدى

ارۋلاردىڭ حالىقارالىق كۇنىنە وراي وتكىزىلگەن بايقاۋعا وقۋشىلار مەن بالاباقشا تاربيەلەنۋشىلەرى دە قاتىستى

«Alatay aqparat» مەدياحولدينگى ۇيىمداستىرعان «مەنىڭ انام!» تاقىرىبىنداعى سۋرەت بايقاۋى مارەسىنە جەتتى، دەپ حابارلايدى Almaty-akshamy.kz.

حالىقارالىق انالار كۇنىنە وراي وتكىزىلگەن بايقاۋعا تەك قانا وقۋشىلار ەمەس بالاباقشا تاربيەلەنۋشىلەرى دە قاتىستى. قاتىسۋشىلار اراسىندا الماتى قالاسىنىڭ بالدىرعان ونەرپازدارىنان بولەك، ەلوردانىڭ كىشكەنتاي تۇرعىندارى دا بار. 

بايقاۋ مەدياحولدينگتىڭ ينستاگرامداعى @aqshamy.official رەسمي پاراقشاسىندا ءوتتى. بايقاۋدىڭ شارتى بويىنشا بالالار «مەنىڭ انام!» تاقىرىبى اياسىندا اناسىنىڭ سۋرەتىن سالىپ، ۆيدەو ءتۇسىردى.

وسى سايىسقا اتسالىسىپ، ءوز جۇمىستارىن جولداعان ءبىزدىڭ جاس سۋرەتشىلەرىمىزگە العىس ايتامىز. الداعى ۋاقىتتا ءتۇرلى بايقاۋلار جالعاسىن تاپپاق.
«مەنىڭ انام!» بايقاۋىنىڭ جەڭىمپازدارى «Alatay aqparat» مەدياحولدينگىنىڭ ديپلومىمەن ماراپاتتالادى جانە ولارعا الماتىداعى تەاترلارعا بيلەتتەر تابىستالادى. بايقاۋعا الماتى قالاسىنىڭ «مەملەكەتتىك قۋىرشاق تەاترى» كمقك جانە ن.ساس اتىنداعى مەملەكەتتىك اكادەميالىق بالالار مەن جاسوسپىرىمدەر تەاترى قولداۋ تانىتتى. 

بايقاۋ جەڭىمپازدارىن قۇتتىقتايمىز! ونەرلەرىڭىز ورگە ءجۇزسىن، جاس ونەرپازدار!

بايقاۋ جەڭىمپازدارى:
1. ءالي باقداۋلەت ەرلان ۇلى - ا. بايتۇرسىنوۆ اتىنداعى №139 مەكتەپ-گيمنازياسىنىڭ وقۋشىسى (الماتى)؛ 
2. كوركەمباي ءاليحان جانىبەك ۇلى - №181 مەكتەپتىڭ وقۋشىسى (الماتى)؛
3.حايروللا ايشا اسەت قىزى - ا. بايتۇرسىنوۆ اتىنداعى №48 مەكتەپ-ليسەيدىڭ وقۋشىسى (نۇر-سۇلتان)؛ 
4. ايزەرە ادىلەت قىزى - ا. بايتۇرسىنوۆ اتىنداعى №139 مەكتەپ-گيمنازياسىنىڭ وقۋشىسى (الماتى)؛
5.اقبايان قۋانىش – «ەراسىل» بالا باقشاسىنىڭ تاربيەلەنۋشىسى، 5 جاستا (تالعار اۋدانى)
6. توميريس كاپاروۆا - ا. بايتۇرسىنوۆ اتىنداعى №139 مەكتەپ-گيمنازياسىنىڭ وقۋشىسى (الماتى)؛
6. ءالىمجان نۇرلان – 4 جاستا (الماتى)
8. اقنيەت قۋانىش – «ەراسىل» بالا باقشاسىنىڭ تاربيەلەنۋشىسى، 2 جاستا (تالعار اۋدانى).

بايقاۋ جەڭىمپازدارىن ماراپاتتاۋ ۋاقىتى مەن وتەتىن كۇنى جانە ورنى جەڭىمپازدارعا قوسىمشا حابارلانادى.