رەسپۋبليكالىق قان قىزمەتىنىڭ ەرىكتىلەرى ەرمەك دۇيسەنحانوۆ پەن ارمان ساتيموۆ قان دونورلىعىنىڭ ماڭىزدىلىعىن ناسيحاتتاۋ ءۇشىن قازاقستاندى ارالاپ، 17 كۇندىك اۆتوساپارعا شىقتى. ءار قالادا ولار شاعىن دارىستەر وتكىزىپ، اقپاراتتىق ماتەريالدار تاراتىپ، جەرگىلىكتى تۇرعىندارمەن جانە ب ا ق وكىلدەرىمەن كەزدەسۋلەر ۇيىمداستىرۋدا، دەپ حابارلايدى aqshamnews.kz
مارشرۋت ءىرى قالالاردى عانا ەمەس، شالعاي اۋىلداردى دا قامتيدى، سەبەبى دونورلىق — ءار ادام ءۇشىن قولجەتىمدى بولۋى ءتيىس.
جوباعا التى وبلىستىڭ اكىمدىكتەرى قولداۋ كورسەتىپ وتىر. قان ورتالىعىنىڭ لوگوتيپى بار كولىكپەن ەرىكتىلەر استانا، قوستاناي، حرومتاۋ، اقتوبە قالالارىن ارتتا قالدىرىپ، اقتاۋعا جەتتى.
سونىمەن قاتار، امباسسادورلار ەكولوگيا، تابيعاتتى ساقتاۋ، اۋىلدىق وڭىرلەردى دامىتۋ جانە تاريحي مۇرانى قورعاۋ ماسەلەلەرىن دە كوتەرۋدە.
«مۇنداي باستامالار — بۇل تەك دونورلىقتى ىلگەرىلەتۋ عانا ەمەس، بۇل قوعامدا جاناشىرلىق، قامقورلىق پەن ءوزارا كومەكتەسۋ مادەنيەتىن قالىپتاستىرۋعا قوسقان ۇلەس. ءبىز ءوز ەرىكتىلەرىمىزبەن ماقتانامىز!»، — دەيدى قان ورتالىعىنىڭ باسشىسى ءسانيا ءابدىراحمانوۆا.
دارىستەردەن كەيىن ەرىكتىلەر قازاقستاندىقتارمەن بىرگە قان ورتالىعىنىڭ لوگوتيپى بەينەلەنگەن ارنايى جابدىقتالعان كولىككە قىزىل نۇكتەلەر جاپسىرادى. ءقازىردىڭ وزىندە ونداعان نۇكتە جاپسىرىلعان جانە ولاردىڭ سانى ارتىپ كەلەدى. بۇل — دونورلىق تۋرالى بىلەتىن ادامدار قاتارى كوبەيىپ جاتقانىن بىلدىرەدى.
«ادام دونور بولعان كەزدە، ءوزىن قاجەت، ماڭىزدى تۇلعا رەتىندە سەزىنەدى. ول وزىنەن كوپ نارسە تاۋەلدى ەكەنىن تۇسىنە باستايدى جانە قوعام ءومىرىنىڭ وزگە دە ماسەلەلەرىنە بەلسەندى ارالاسادى. دونور — بۇل جۇيە ونسىز جۇمىس ىستەي المايتىن ادام. ءبىر جەردە بىرەۋدىڭ ءومىرىن ءدال سول ادامنىڭ قانى ساقتاپ قالۋى مۇمكىن»، — دەيدى قان ورتالىعىنىڭ ەرىكتى-امباسسادورى ارمان ساتيموۆ.