2025 جىلدىڭ 3 مامىرى كۇنى اباي اتىنداعى قازاق ۇلتتىق وپەرا جانە بالەت تەاترىندا پەتر چايكوۆسكييدىڭ مەرەيتويىنا ارنالعان گالا-كونسەرت ءوتتى. تەاتر ساحناسىندا كومپوزيتور تۋىندىلارىن وپەرانىڭ جەتەكشى سوليستەرى، سيمفونيالىق وركەستر مەن حور سۇيەمەلىمەن شىرقادى.
وسى كەشتە كورەرمەن «پيكوۆايا داما»، «ەۆگەنيي ونەگين»، «يولانتا»، «چارودەيكا» وپەرالارىنان اريالار، كورىنىستەر مەن دۋەتتەر، «موسكۆا» كانتاتاسىنداعى جاۋىنگەردىڭ اريوزوسىن جانە بالەت كلاسسيكاسىنان ۇزىندىلەر تىڭدادى. كەشتى قازاقستاننىڭ ەڭبەك سىڭىرگەن قايراتكەرى نۇرجان بايبوسىنوۆ ديريجەرلىك ەتتى. كونسەرتكە قازاقستاننىڭ حالىق ءارتىسى ءجاميلا باسپاقوۆا، ق ر ەڭبەك سىڭىرگەن قايراتكەرى گۇلزات داۋربايەۆا، دينا حامزينا، ولەگ تاتاميروۆ، تەاتردىڭ جەتەكشى وپەرا سوليستەرى، سيمفونيالىق وركەستر مەن حور قاتىستى.
2025 جىلى كورنەكتى كومپوزيتور، پەداگوگ، ديريجەر پەتر چايكوۆسكييدىڭ تۋعانىنا 185 جىل تولادى. ول كوزى تىرىسىندە-اق الەمدەگى ەڭ تانىمال ءارى كورشىلىكتىڭ ىقىلاسىنا بولەنگەن كومپوزيتورعا اينالدى. الەمدىك مۋزىكا تاريحىندا چايكوۆسكييدىڭ ەسىمى ون وپەرا، ءۇش بالەت، جەتى سيمفونيا، كامەرالىق جانە شىركەۋ مۋزىكاسى، رومانس، كونسەرتتەر مەن سيۋيتتەردىڭ اۆتورى رەتىندە ماڭگىلىككە قالادى.