24 جىلعا باس بوستاندىعىنان ايىرىلعان بۇرىنعى ۇلتتىق ەكونوميكا ءمينيسترى كۋاندىق بيشىمبايەۆقا قاتىستى تاعى ەكى سوت پروسەسى كۇتىلۋدە دەپ حابارلايدى قورعاۋشىسى بيشىمبايەۆتىڭ ەرلان گازىمجانوۆ.
ادۆوكاتتىڭ ايتۋىنشا، الداعى سوت پروسەسىنىڭ ءبىرى بالالارىنا تولەنەتىن اليمەنت شارتىن وزگەرتۋگە بايلانىستى. بيشىمبايەۆ بوستاندىقتا جۇرگەن كەزىندە جەكە كاسىپپەن اينالىسىپ، تۇراقتى تابىس تاپقان. سول سەبەپتى اليمەنت مولشەرى جوعارى بولىپ بەكىتىلگەن. الايدا قازىرگى تاڭدا ول ەڭبەكپەن قامتىلماعان، ال اليمەنتتى ونىڭ اتا-اناسى تولەۋگە ءماجبۇر.
«كۋاندىكتىڭ كەيبىر جيناقتارى بولدى، اليمەنتتىڭ ءبىر بولىگى سول جەردەن دە الىندى. ءبىراق قازىرگى جاعدايدا ول رەسمي تۇردە جۇمىس ىستەمەيدى، ويتكەنى تۇزەتۋ مەكەمەسىندە بوس ورىندار از»، – دەيدى ەرلان گازىمجانوۆ.
اليمەنت شارتىنىڭ ناقتى شارتتارى قۇپيا اقپارات رەتىندە جاريا ەتىلمەدى.
ادۆوكات سونىمەن قاتار بيشىمبايەۆقا قاتىستى تاعى ءبىر سوت پروسەسىنىڭ باستالۋى مۇمكىن ەكەنىن حابارلادى. بۇل جولى ماسەلە مارقۇم سالتانات نۇكەنوۆانىڭ اعاسى — ايتبەك امانگەلدى تاراپىنان كوتەرىلگەن. ول كونستيتۋسيالىق سوتقا شاعىم ءتۇسىرىپ، مورالدىق وتەماقى كولەمىن 1،5 ميلليارد تەڭگەگە دەيىن ارتتىرۋدى تالاپ ەتىپ وتىر.
ايتا كەتەيىك، العاشقى سوت ينستانسياسى تالاپكەرگە 10 ميلليون تەڭگە كولەمىندە وتەماقى تاعايىنداعان. بۇل قاراجات تولىق تولەنگەن. الايدا امانگەلدى بۇل سومانىڭ جەتكىلىكسىز ەكەنىن ايتىپ، ارى قاراي زاڭدىق كۇرەستى جالعاستىرۋدا. اپەللياسيالىق سوت العاشقى شەشىمدى وزگەرىسسىز قالدىرعانىمەن، ەندى بۇل ماسەلە جوعارعى سوت دەڭگەيىنە جەتىپ وتىر.
بۇرىنعى مينيستر كۋاندىق بيشىمبايەۆتىڭ قىلمىستىق ءىسى بويىنشا زاڭدىق سالدارلار جالعاسۋدا. اليمەنت كولەمىن قايتا قاراۋ جانە مورالدىق وتەماقىنى ارتتىرۋ تۋرالى باستامالار – ونىڭ سوتتالعاننان كەيىن دە ءبىرقاتار قۇقىقتىق جاۋاپكەرشىلىكتەرگە تارتىلاتىنىن كورسەتەدى. الداعى ۋاقىتتا بۇل ىستەردىڭ قالاي شەشىلەتىنى قوعام نازارىندا بولارى ءسوزسىز.