الماتىنىڭ مەدەۋ اۋدانىندا كوپقاباتتى تۇرعىن ۇيلەردىڭ قاسبەتىن جاڭارتۋ جانە ساۋلەتتىك جارىقتاندىرۋ ورناتۋ جۇمىستارى ءجۇرىپ جاتىر. جوبا ماۋسىم ايىندا باستالعان، بۇگىندە اۋداننىڭ كەلبەتى ايتارلىقتاي وزگەرىپ كەلەدى.
ءبىرىنشى رەت تۇرعىن ۇيلەرگە زاماناۋي جارىقتاندىرۋ ورناتىلدى. قازىرگى تاڭدا 11 ءۇيدىڭ قاسبەتى جاڭارتىلىپ، جىلى ءتۇستى 1 419 سىزىقتىق شام قويىلدى. ولار عيماراتتاردىڭ ساۋلەتتىك سىزىقتارىن ايقىنداپ، اۋلالاردى كەشكى ۋاقىتتا جايلى ءارى تارتىمدى ەتىپ كورسەتەدى.
جالپى جوباعا 67 ءۇي ەنگىزىلگەن. بۇگىندە 12 نىساندا جۇمىس تولىق اياقتالدى، ال كەلەسى اپتادا تاعى 13 ۇيدە جۇمىس اياقتالادى. قالعان ۇيلەردە جۇمىس جوسپارعا ساي جالعاسىپ وتىر.
الماتىلىقتار جاڭارعان قاسبەتتەر مەن جارىق بەرۋ اۋداننىڭ قازىرگى زامانعى بەينەسىن قالىپتاستىرىپ، اۋماقتىڭ كوركەمدىگى تۇرعىندار ءۇشىن جايلى بولعانىن ايتادى.