بۇل تۋرالى وقۋ-اعارتۋ ءمينيسترى جۇلدىز سۇلەيمەنوۆا مالىمدەدى. ول كەي وڭىرلەردەگى پەداگوگيكالىق ۇجىمدار اراسىنداعى داۋ-دامايدى سىنعا الدى. بيىلعى وقۋ جىلىنىڭ العاشقى توقسانىنىڭ اياقتالعانىنا قاراماستان، ءبىلىم بەرۋ ۇيىمدارىنا ءالى كۇنگە دەيىن باسشى تاعايىنداماعان وڭىرلەر دە بار. ۆەدومستۆو باسشىسى شالعايداعى اۋىلدارعا كادر تارتۋ ماسەلەسىن جەرگىلىكتى اتقارۋشى ورگاندارمەن بىرلەسىپ ءتيىمدى شەشۋ جولدارىن قاراستىرۋدى تاپسىردى. سوزىنشە، ەل اۋماعىندا «كەلەشەك مەكتەپتەرى» ۇلتتىق جوباسى اياسىندا 217 مەكتەپ سالىنادى.
«ەلىمىزدە سوڭعى جىلدارى مەكتەپ قۇرىلىسى ۇلكەن قارقىنمەن جۇزەگە اسىرىلۋدا. دەگەنمەن، بيىل قۇرىلىس نىساندارىنىڭ پايدالانۋعا بەرىلۋ مەرزىمى كەشىكتىرىلگەن جانە شالعايداعى اۋىلداردا ءبىلىم وشاقتارى جوندەۋدى قاجەت ەتەتىن وڭىرلەر دە بار»، - دەدى جۇلدىز سۇلەيمەنوۆا.