نە ۆەرتە سلوۆام ني سۆويم، ني چۋجيم،
ۆەرتە تولكو دەلام ي سۆويم، ي چۋجيم...
ليەۆ تولستوي
ەگەر ادام ادامعا سەنبەسە، ونىڭ حايۋاننىڭ قاي جەرى ارتىق؟ ادامزات وسى دۇنيەگە كەلگەلى بىر-بىرىنە سەنىم ارتىپ، ءوز ءومىرىن اماناتقا تاپسىرىپ بىرىكتى، قورعاندى، تىرشىلىك جاسادى. قازاقتىڭ ۇعىمىنداعى امانات وسى سەنىمگە رياسىز سەنۋگە بەيىم. سەنىم بۇزىلعان تۇستا قىلداي ايىرىلىستى، ول اماناتتىڭ قياناتقا اينالعانى بولاتىن...
سونىمەن، كوپتەن كۇتكەن وزگەرىستەردىڭ باستى جاڭالىعى باستى پارتيا - كەشەگى Nur Otan-نىڭ كەزەكتەن تىس ءححىى سەزىندە بۇگىنگى اMANAT پارتياسىنىڭ قايتا تۇلەۋىمەن جالعاستى. قوعامنىڭ ءاربىر ەكىنشىسى فيلولوگ ءحام ءفالسافاشى بولىپ پارتيانىڭ اتاۋىن ءتارجىمالاپ كەتتى. دۇرىس، ماسەلە كەمەنىڭ اتىن قالاي قويعانىندا بولىپ تۇر عوي. حالىقتىڭ سەنىمىن وياتۋعا جاندى جەرىنەن ۇستايتىن اۋىر ۇعىمدى بىلدىرەتىن «امانات» ءسوزى راسىمەن ەرەكشە تاڭداپ الىنعان.
AMANAT-تىڭ ۇعىمى ساياسي تاريحتا تا تاڭسىق ەمەس.
ەسىمىزدە بولسا، تۇركيادا مۇستافا كەمالدىڭ تۇسىندا 1923 جىلى قۇرىلعان رەسپۋبليكالىق حالىقتىق پارتياسى، كەيىن ەڭ ەجەلگى باستى پارتيا رەتىندە قوعامدا قايتا تۇلەدى. پارتيا كەماليزمنىڭ جارقىن يدەولوگياسىن جاڭا زامانعا بەيىمدەۋ ءۇشىن، 1967 جىلى جاڭا باعىتتا حالىقتىڭ سەنىمىن اقتاۋدا «سەنىم پارتياسى» ياعني Güven Partisi بولىپ جاڭاردى.
ال يندونەزيادا 1998 جىلى اميەن رايستىڭ قۇرۋىمەن «ۇلتتىق امانات پارتياسى» (Partai Amanat Nasional) قۇرىلدى.
الىسقا كەتپەي-اق، مىنا ۋكراينادا 2020 جىلى «دوۆەريا» ياعني سەنىم، امانات اتتى ساياسي پارتياسى، ارتىنشا دەپۋتاتتىق توبى جاساقتالدى.
ءبىر سوزبەن ايتقاندا، ساياساتتا سەنىمگە، مانداتقا، اماناتقا يە بولۋ اتىنا دا، زاتىنا دا بايلانىستى ەكەنىن كورسەتەدى.
پارتيانىڭ سەزىندە شەشىلگەن اتاۋدان وزگە، الداعى ۋاقىتتاعى باعىت-باعدارلارى دا ءبىراز ايقىندالىپتى. ارينە، پارتيا ءتوراعاسى، پرەزيدەنت قاسىم-جومارت كەمەل ۇلىنىڭ قوعامدىق-ساياسي جانە الەۋمەتتىك-ەكونوميكالىق رەفورمالارىن تولىق جۇزەگە اسىرۋدا "اماناتتىقتاردىڭ" بەلدى بەكەم بۋىپ كىرىسپەككە دايىندىعىن اڭعارۋ قيىندىق تۋعىزبادى. ونى ەلىمىزدىڭ تۇكپىر-تۇكپىرىنەن قاتىسقان 393 دەلەگاتتىڭ ەكپىنىنەن بايقالدى.
اراسىندا ءماجىلىس، ءماسليحات دەپۋتاتتارى، جەرگىلىكتى قوعامدىق كەڭەستەرىنىڭ بەلسەندى مۇشەلەرى داۋرىقپا ماقتاۋ سوزدەن گورى پراگماتيكالىق كوزقاراستارىن ورتاعا سالىپ، ۇسىنىستارىن قارشا جاۋدىرعانىنان، پارتيا بيلىگىندە ساياسي رەنەسانسىنىڭ ورناعانىنداي سەزىم قالدىردى.
حالىق اراسىندا ءتۇرلى وي-پىكىرلەر ايتىلىپ جاتىر عوي، ول دا زاڭدىلىق. تىل-كوزدەن ساقتاسىن دەپ، تاقىمىن قىسقان كوزى تورتەۋ بولعان قوعامنىڭ اMANAT-تىڭ كەلەشەگىنە قارابايىر ءۇمىتىن ۇزىلە جالعاپ وتىرعانى دا انىق. ويتكەنى، سەنىمنىڭ ءحام اماناتتىڭ قۇنى وتە جوعارى! "ايتىلعان ءسوز – اتىلعان وق" دەگەن بار، اMANAT-تىڭ سوزىنەن گورى ءىسى ماڭىزدى حالىققا.
ءۇمىتسىز شايتان...