ماڭعىستاۋداعى جول اپاتى: ۇلتتىق ۇلاننىڭ اۆياسيالىق بورتى جىبەرىلدى
بورتتا جول-كولىك وقيعاسىندا قازا تاپقانداردىڭ تۋىستارى دەنەلەرىن سايكەستەندىرۋ جانە باسقا قاجەتتى راسىمدەردى وتكىزۋ ءۇشىن ۇشىپ بارادى، - دەپ حابارلايدى Aqshamnews.kz.
بورت قازا تاپقانداردىڭ دەنەلەرىن ءوز ايماقتارىنا جەتكىزۋ ءۇشىن دە پايدالانىلادى. قازا تاپقانداردىڭ ىشىندە — بەس ايەل قاراعاندى وبلىسىنان، ال بىرەۋى استانا قالاسىنىڭ تۇرعىنى.
دارىگەرلەر ءقازىر ماڭعىستاۋداعى جول اپاتىنان زارداپ شەككەن ءۇش ادامنىڭ ءومىرى ءۇشىن كۇرەسىپ جاتىر.
«1964 جىلى تۋعان ەر ادام مەن 1967 جىلى تۋعان ايەل جانساقتاۋ بولىمىنە جاتقىزىلدى، جاعدايلارى اۋىر. 1960 جىلى تۋعان ايەل اۋرۋحانانىڭ تراۆماتولوگيا بولىمىندە، جاعدايى تۇراقتى اۋىر»، – دەپ حابارلادى ماڭعىستاۋ وبلىستىق دەنساۋلىق ساقتاۋ باسقارماسى.
ەسكە سالا كەتەيىك، بۇعان دەيىن ماڭعىستاۋدا جول اپاتى بولىپ، 10 ادام قايتىس بولعانىن حابارلاعان ەدىك.