الماتىدا ازاماتتاردان اقشا بوپسالادى دەگەن كۇدىككە ىلىنگەن جالعان پوليسەيلەر ۇستالدى.
الماتى قالالىق پد ەسىرتكى قىلمىسىنا قارسى كۇرەس باسقارماسى قىزمەتكەرلەرى جقاج ساربازدارىمەن بىرلەسىپ، وزدەرىن پوليسيا قىزمەتكەرى رەتىندە تانىستىرىپ، وسى سىلتاۋمەن ازاماتتاردان اقشا تالاپ ەتكەن توپتى ۇستادى، - دەپ حابارلايدى Aqshamnews.kz Polisia.kz-كە سىلتەمە جاساپ.
ارنايى ءىس-شارا بارىسىندا كۇدىكتىلەردەن “پوليسياعا جاردەمدەسۋ وتريادى” قوعامدىق بىرلەستىگىنىڭ جالعان قىزمەتتىك كۋالىكتەرى، كىسەندەر جانە اقشا قاراجاتتارى تاركىلەندى. ۇستالعاندار وزدەرىن ەسىرتكى پوليسياسى قىزمەتكەرلەرى رەتىندە تانىستىرىپ، قىلمىستىق جاۋاپكەرشىلىككە تارتامىز دەپ قورقىتىپ، اقشا اۋدارىمدارى مەن قولما-قول قاراجات تالاپ ەتكەن. ءۇش كۇدىكتى دە ۋاقىتشا ۇستاۋ يزولياتورىنا قامالدى. سوت ولاردى قاماۋدا ۇستاۋ تۇرىندەگى بۇلتارتپاۋ شاراسىن سانكسيالادى. “بوپسالاۋ” بابى بويىنشا قىلمىستىق ءىس قوزعالدى.
— بۇل – بيىلعى جىلى وزدەرىن پوليسيا قىزمەتكەرى رەتىندە تانىستىرىپ، ازاماتتاردى الداعان ءۇشىنشى جاعداي. مۇنداي دەرەكتەر قوعامنىڭ قۇقىق قورعاۋ ورگاندارىنا دەگەن سەنىمىنە نۇقسان كەلتىرەدى، سوندىقتان ءبىز مۇنداي ارەكەتتەرگە قاتاڭ توسقاۋىل قويامىز. ناعىز پوليسيا قىزمەتكەرلەرى تەك زاڭ اياسىندا ارەكەت ەتەدى. الماتى تۇرعىندارىنا ۇندەۋ جاسايمىن: ەگەر وزدەرىن پوليسيا قىزمەتكەرى رەتىندە تانىستىرعان ادامداردىڭ ارەكەتتەرىنە كۇماندانساڭىزدار، دەرەۋ “102” نومىرىنە حابارلاسىڭىزدار، – دەدى، الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ. قازىرگى تاڭدا تەرگەۋ جالعاسۋدا، ۇستالعانداردىڭ زاڭسىز ارەكەتتەرىنىڭ بارلىق ءمان-جايى انىقتالۋدا.