Жол апаты кеше Қарақия ауданындағы Сенек ауылынан 90 шақырым жерде болды.
«Toyota Hiace» көлігі жол шетіне аударылып кеткен, - деп хабарлайды Aqshamnews.kz.
Алдын ала мәлімет бойынша, жүргізуші рөлге ие бола алмаған. Апат салдарынан 8 адам оқиға орнында, тағы 2 адам ауруханаға жеткізу кезінде көз жұмды. Жүргізуші мен 2 жолаушы жарақатпен ауруханаға түсті.
ІІМ Маңғыстаудағы қайғылы жол апатына байланысты үндеу жасады. Ішкі істер министрінің тапсырмасымен жедел штаб құрылды. Штаб тәулік бойы жұмыс істейді.
- Министр қылмыстық істің тергеу барысын өз бақылауына алды. Қазіргі уақытта тергеу аясында жүргізушінің іс-қимылы, көліктің техникалық жағдайы, маршрут және тасымалдау шарттары тексерілуде, - деді ІІМ ресми өкілі - департамент бастығы Шыңғыс Алекешев.Жол-көлік оқиғасына байланысты қылмыстық іс қозғалып, тергеу жүріп жатыр.