مەملەكەت باسشىسىنىڭ تاپسىرماسىنا سايكەس مۇعالىمدەر مەن وقۋشىلاردىڭ قارجىلىق ساۋاتتىلىعىن ارتتىرۋعا باعىتتالعان اۋقىمدى جوبا جالعاسۋدا.
وقۋ باعدارلاماسى قارجى جانە ءبىلىم بەرۋ سالاسىنداعى حالىقارالىق ساراپشىلاردىڭ ۇسىنىمدارى نەگىزىندە ازىرلەنگەن، - دەپ حابارلايدى Aqshamnews.kz.
بەس كۇندىك كۋرس بارىسىندا ق ر وقۋ-اعارتۋ مينيسترلىگىنىڭ «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ ترەنەرلەرلەرى پەداگوگتەرگە قارجىنى باسقارۋدىڭ نەگىزگى قاعيداتتارىن ۇيرەتەدى. مۇعالىمدەر قارجىلىق مىنەز-قۇلىق پسيحولوگياسى، وتباسىنداعى بيۋدجەت پەن شىعىنداردى جوسپارلاۋ ادىستەرىن مەڭگەرەدى. ال ق ر ۇلتتىق بانكى ماماندارى ينفلياسيانىڭ جەكە قارجىعا ىقپالى، ينۆەستيسيا، سيفرلىق اكتيۆتەر، نەسيە مەن زەينەتاقى جۇيەسى، الاياقتىقتىڭ تۇرلەرىن اجىراتۋ جانە جەكە دەرەكتەردى قورعاۋ تاقىرىپتارىندا ءدارىس وقيدى.
وسىلايشا، ءبىر اپتا ىشىندە ەلىمىزدىڭ بارلىق وڭىرىنەن «جاھاندىق قۇزىرەتتىلىك» ءپانىن وقىتاتىن 500-گە جۋىق پەداگوگ ارنايى كۋرستان ءوتىپ، مەكتەپ وقۋشىلارىنا ءدارىس وقۋدى باستايدى. جىل سوڭىنا دەيىن ولاردىڭ سانى 6 مىڭعا جەتىپ، 2026 جىلى تاعى شامامەن 4 مىڭ ءمۇعالىم قامتىلادى.
قارجىلىق ساۋاتتىلىقتى ءبىلىم بەرۋ جۇيەسىنە ەنگىزۋ - ەكونوميكالىق تۇراقتىلىقتى نىعايۋتۋعا باعىتتالعان ماڭىزدى قادام. بۇل باستاما قوعامنىڭ قارجىلىق مادەنيەتىن ارتىرىپ، قارجى پيراميدالارى مەن ينتەرنەت الاياقتىقتان قورعانۋدى كۇشەيتەدى.