وسى اپتادا ءانشى ساكەن مايعازييەۆ ترەدس جەلىسىنىڭ جۇلدىزىنا اينالدى. ال بلوگەر مەرەي ءابىلوۆا نەگە تاعى حەيتكە ۇشىرادى؟ بلوگەردىڭ قاي قىلىعى جۇرتقا جاقپاي قالدى؟ ادەتتەگىدەي اqshamnews.kz ءتىلشىسىنىڭ ماتەريالىندا.
مايعازييەۆ ەمودزيلەرمەن ترەند تاراتتى
مايعازييەۆ ترەدستە ليفتىدە قامالىپ قالعانىن ءبولىستى.
"ليفت اشىلماي قالدى. التىندارىم-اۋ، بارلىعى جانى قالماي جۇگىرىپ ءجۇر. "ءقازىر شىعارىپ الامىز، ەشقايدا كەتىپ قالماڭىز"، دەپ قويادى. قايدا كەتەم؟"،- دەپ جازدى ءارتىس ءوز جازباسىندا.
مايعازييەۆتىڭ جازباسىنا جالاۋشالاردان باستاپ، تاڭبالار، تاماق، جانۋارلار جانە تۇرمىستىق زاتتارعا دەيىن ۇزىن-سونار ەمودزيلەر قاتارلاسىپ بەرىلگەن. ءدال وسى جايت قىزۋ تالقىلاۋدىڭ باستالۋىنا تۇرتكى بولدى.
سۋرەت: ترەدس جەلىسىنەن سكرين
ءانشىنىڭ جازباسىنىڭ استىنا جازىلۋشىلار جۇزدەگەن سمايليككە تولى پىكىرلەر قالدىرا باستادى. كەيبىرەۋلەر ازىلدەپ سۇراق قويىپ باستادى:
"ساكەن اعا، شىقتىڭىز با؟"، "سىزگە ليفتىدەن تىكەلەي ەفير قوسۋ كەرەك سياقتى"، "ءسىز ءار جازباعا سمايليكتەردى جەكە تاڭدايسىز با، الدە جاي عانا كوشىرىپ قوياسىز با؟" - دەپ جازدى ترەدس قولدانۋشىلارى.
ال كەيبىرەۋلەر ءارتىستىڭ "بىردە-بىر سمايليكتى رەنجىتپەي"، ولاردى بارىنشا پايدالانىپ جۇرگەنىن كۇلكى قىلدى.
سۋرەت: ترەدس جەلىسىنەن سكرين
ءبىراز ۋاقىتتان كەيىن ساكەن مايعازييەۆ قايتا جازبا جاريالاپ، ليفتىدەن امان-ەسەن شىققانىن، الايدا قاربالاستان ونى بىردەن ايتۋدى ۇمىتىپ كەتكەنىن ءتۇسىندىردى.
"ايتتىم عوي، ادام بالاسى ۇمىتشاق دەپ. ليفتتەن امان-ەسەن شىققانىمدى ايتام دەپ ۇمىتىپ كەتىپپىن عوي. بارشاڭىزعا مىڭ العىس! اللا رازى بولسىن. ەشقاشان ليفتتە قالىپ كويماڭىزدار" دەپ جازدى ول.
