ول جەلى باتىس جاقتان قالا ورتالىعىنا بارادى.
الماتىدا كولىك قۇرىلىمىن دامىتۋ جونىندەگى شەبەرلىك-جوسپاردى بەكىتۋ 2023 جىلعى جەلتوقسانعا جوسپارلانعان، دەپ حابارلايدى Almaty-akshamy.kz
«بۇل وقيعا بازالىق ينفراقۇرىلىمدى قالىپتاستىرۋدىڭ باستاپقى نۇكتەسى بولادى»، دەپ مالىمدەدى ەربولات دوسايەۆ قازاقستان پرەزيدەنتى قاسىم-جومارت توقايەۆقا ەسەپ بەرۋ بارىسىندا.
"ءبىرىنشى كەزەڭدە 2024 جىلى رايىمبەك داڭعىلىنداعى BRT پيلوتتىق ءدالىزىنىڭ قۇرىلىسى باستالادى جانە ەكىنشى كولىككە تەگىن اۋىسىپ وتىرۋعا مۇمكىندىك بەرەتىن جاڭا تاريفتىك باعا ەنگىزىلەدى"، – دەپ اتاپ ءوتتى الماتى اكىمى.
ەكىنشى كەزەڭ بارىسىندا، 2025-2026 جىلدارى LRT كولىك دالىزدەرىنىڭ سانى 10-عا دەيىن ۇلعايادى جانە ۇزىندىعى 26 كم بولاتىن ءبىرىنشى LRT جەلىسىن ىسكە قوسادى. ول جەلى باتىس جاقتان قالا ورتالىعىنا بارادى. الماتى-1 جانە الماتى-2 ستانسيالارى جەر ءۇستى مەتروپوليتەنىن قوسادى.
كولىك جەلىسىن دامىتۋ ترافيكتى ءتيىمدى باسقارۋعا ارنالعان قۇرالداردىڭ بولۋىن بولجايدى. 2025 جىلى قالالىق ماگيسترالدار، قوعامدىق كولىك جانە "اقىلدى" باعدارشامدار بىرىكتىرىلەتىن زياتكەرلىك جۇيەنى ىسكە قوسۋ جوسپارلانۋدا.