قوعامدىق كولىكتىڭ ساپاسى مەن جىلدامدىعىنا قويىلاتىن تالاپتار وسۋدە ، دەپ حابارلادى الماتى اكىمى ەربولات دوسايەۆ ق ر پرەزيدەنتى قاسىم-جومارت توقايەۆقا ەسەپ بەرۋ بارىسىندا. ونىڭ ايتۋىنشا، مەترونىڭ مەگاپوليستە سۇرانىسقا يە بولۋى جەراستى مارشرۋتتارى جەلىسىنىڭ ۇلعايۋىمەن جولاۋشىلار اعىنىنىڭ ءوسۋىن دالەلدەيدى،دەپ حابارلايدى Almaty-akshamy.kz.
"وتكەن جىلدىڭ مامىر ايىندا 2 جاڭا ستانسيا اشىلعاننان كەيىن جولاۋشىلار اعىنى كۇن سايىن 35 مىڭنان 90 مىڭعا دەيىن 2،6 ەسەگە ءوستى. اعىمداعى جىلدىڭ قىركۇيەك ايىنان باستاپ 3 جىلجىمالى سوستاۆ قوسىلادى، بۇل قوزعالىس ارالىعىن 6 مينۋتقا دەيىن تومەندەتۋگە مۇمكىندىك بەرەدى"، – دەدى الماتى اكىمى ەربولات دوسايەۆ.
قالا باسشىسى 2025 جىلى "قالقامان" ستانسياسىنىڭ قۇرىلىسىن اياقتاۋ جوسپارلانعانىن، باتىس باعىتتا "بارلىق" بازارىنا دەيىن 3 جاڭا ستانسيانىڭ جوبالاۋ-سمەتالىق قۇجاتتاماسىن ازىرلەۋ جۇرگىزىلىپ جاتقانىن ايتتى.