الماتى اكىمى ەربولات دوسايەۆ قازاقستان پرەزيدەنتى قاسىم-جومارت توقايەۆقا ەسەپ بەرۋ بارىسىندا الماتىنىڭ 2040 جىلعا دەيىنگى باس جوسپارىندا قاراستىرىلعان مەگاپوليستىڭ كولىك قۇرىلىمىن ازىرلەۋ تۋرالى ايتتى.
ول قوعامدىق كولىك جەلىسىمەن بىرىكتىرىلگەن 5 جاڭا پوليورتالىقتاردى قۇرۋدى كوزدەيدى، دەپ حابارلايدى Almaty-akshamy.kz.
«بولاشاق كولىك قۇرىلىمىنىڭ نەگىزى حالىقتىڭ 75% – ى ءۇشىن جاياۋ جۇرگىنشىلەرگە قولجەتىمدى جىلدامدىقتى قوعامدىق كولىك – مەترو، LRT جانە BRT بولادى. بۇل جولاۋشىلاردىڭ قوزعالىس جىلدامدىعىن 20-30% - عا ارتتىرۋعا مۇمكىندىك بەرەدى»، - دەدى ەربولات دوسايەۆ.
الماتى اكىمى جۇردەك كولىكتى دامىتۋ ەسەبىنەن قالالىق مارشرۋتتارعا جۇكتەمە تۇتاستاي تومەندەيتىنىن اتاپ ءوتتى: ولار نەگىزگى ەمەس، تاسىمالداۋشى ءرول اتقارا باستايدى، بۇل رەتتە قوزعالىس ارالىعى قازىرگى 30-دان 5-10 مينۋتقا دەيىن تومەندەيدى.
جوسپارلانعان وزگەرىستەردى ەسكەرە وتىرىپ، 2025 جىلى كۇندەلىكتى جول ءجۇرۋ سانىنىڭ 1،4 ملن-نان 1،7 ملن-عا دەيىن ءوسۋى كۇتىلۋدە.