بۇۇ ەقب مەن بۇۇ ايەلدەر ۇيىمىنىڭ جاڭا ەسەبىنە سايكەس، وتكەن جىلى 83 000 ايەل مەن قىز قاساقانا ولتىرىلگەنىن مالىمدەدى، دەپ حابارلايدى اqshamnews.kz ءتىلشىسى.
بەلگىلى بولعانداي، قىلمىستاردىڭ 60%-ىندا نەمەسە 50 000 ءولىم قىزداردىڭ جانە ايەلدەردىڭ جاقىن سەرىكتەستەرى نەمەسە وتباسى مۇشەلەرى تاراپىنان بولعان. بۇل دەرەك ورتا ەسەپپەن العاندا كۇنىنە 137 ايەل مەن قىزدىڭ تۇرمىستىق زورلىق-زومبىلىقتان قايتىس بولاتىنىن بىلدىرەدى.
ال ەر ادامداردىڭ قازاسىنىڭ تەك 11%-ى عانا جاقىن سەرىكتەستەرى تاراپىنان بولادى ەكەن.
بۇۇ ەقب ديرەكتورىنىڭ مىندەتىن اتقارۋشى دجون براندولينو كوپ ايەل ءۇشىن ءۇي «ءقاۋىپتى، كەيدە ولىمگە اكەلەتىن ورىن» بولىپ قالا بەرەتىنىن اتاپ ءوتىپ، مەملەكەتتەردى فەميسيدتەردىڭ الدىن الۋ جانە قۇربانداردى قورعاۋ شارالارىن كۇشەيتۋگە شاقىردى.
دۇنيە جۇزىندەگى بارلىق دەرلىك ايماقتاردا الاڭداتارلىق ستاتيستيكا ساقتالىپ وتىر. مۇنداي كىسى ءولتىرۋدىڭ ەڭ جوعارى كورسەتكىشتەرى افريكا ەلدەرىندە تىركەلگەن. ودان كەيىن امەريكا، وكەانيا، ازيا جانە ەۋروپا ەلدەرى كەلەدى.