الماتى قالاسىندا "اۋىل" پارتياسى الماتى قالاسى فيليالى مەن حالىقارالىق ينجەنەرلىك-تەحنولوگيالىق ۋنيۆەرسيتەتىنىڭ كوللەدجى ستۋدەنتتەرى اراسىندا "زاڭ جانە ءتارتىپ" تۇجىرىمداماسىنا ارنالعان ماڭىزدى كەزدەسۋ ۇيىمداستىرىلدى. ءىس-شارانىڭ نەگىزگى ماقساتى — جاس بۋىنعا قۇقىقتىق مادەنيەتتى قالىپتاستىرۋ، زاڭ تالاپتارىن ساقتاۋ بويىنشا تۇسىنىك بەرۋ جانە قوعامدىق ءتارتىپتىڭ ءمان-ماڭىزىن كەڭىنەن ءتۇسىندىرۋ بولدى.
كەزدەسۋگە ارنايى شاقىرىلعان الماتى قالاسى ىشكى ىستەر دەپارتامەنتىنىڭ تاجىريبەلى قىزمەتكەرلەرى ستۋدەنتتەرگە قازاقستان رەسپۋبليكاسىنىڭ قولدانىستاعى زاڭناماسى، قۇقىق بۇزۋشىلىقتىڭ الدىن الۋ جولدارى جانە جاستار اراسىندا ءجيى كەزدەسەتىن اكىمشىلىك-قۇقىقتىق ماسەلەلەر جونىندە جان-جاقتى ۆيديو اقپارات ۇسىندى. سونىمەن قاتار، قۇقىق قورعاۋ ورگاندارىنىڭ وكىلدەرى قازىرگى قوعامدا ءتارتىپ ساقشىلارىنىڭ ءرولى، قۇقىق بۇزۋشىلىقتى بولدىرماۋدىڭ ءتيىمدى جولدارى، كيبەرقاۋىپسىزدىك، جاستاردىڭ قۇقىقتىق جاۋاپكەرشىلىگى سەكىلدى وزەكتى تاقىرىپتاردى قامتىدى.
سونىمەن قاتار، پوليسيا قىزمەتكەرلەرى، قىلمىستىڭ الدىن الۋ شارالارى، قۇقىق بۇزۋشىلىق انىقتالعان جاعدايدا ازاماتتىڭ قۇقىقتارى مەن مىندەتتەرى تۋرالى تەرەڭىرەك تۇسىنىكتەمە بەردى. ءتارتىپ ساقشىلارى ستۋدەنتتەردىڭ سۇراقتارىنا ەگجەي-تەگجەيلى جاۋاپ بەرىپ، ناقتى مىسالدار كەلتىرە وتىرىپ، جاستاردىڭ قۇقىقتىق ساۋاتتىلىعىن ارتتىرۋعا باعىتتالعان پايدالى كەڭەستەر ۇسىندى.
"اۋىل" پارتياسى وكىلدەرى ءوز سوزىندە جاستاردىڭ قۇقىقتىق ءبىلىمىن نىعايتۋ — قوعامداعى تۇراقتىلىق پەن قاۋىپسىزدىكتىڭ كەپىلى ەكەنىن ەرەكشە اتاپ ءوتتى. پارتيا فيليالى الداعى ۋاقىتتا دا ءبىلىم بەرۋ ۇيىمدارىمەن تىعىز جۇمىس ىستەپ، جاس بۋىن اراسىندا قۇقىقتىق مادەنيەتتى كوتەرۋگە باعىتتالعان ءىس-شارالاردى جالعاستىرۋدى كوزدەپ وتىرعانىن جەتكىزدى.
كەزدەسۋ اشىق ديالوگ فورماتىندا ءوتىپ، ستۋدەنتتەر مەن ماماندار اراسىندا ءوزارا تۇسىنىستىك پەن قىزىعۋشىلىق اتموسفەراسىن قالىپتاستىردى. ءىس-شارانىڭ قورىتىندىسى بويىنشا قاتىسۋشىلار مۇنداي كەزدەسۋلەردىڭ ماڭىزدىلىعىن اتاپ ءوتىپ، قۇقىقتىق ساۋاتتىلىقتى ارتتىرۋ باعىتىنداعى جۇمىستاردىڭ جالعاسا بەرۋى قاجەتتىگىن ايتتى.