قالىپتى ومىرگە قايتا ورالۋ كوپ جاعدايدا وزىمىزگە بايلانىستى. قازاق-رەسەي مەديسينا ۋنيۆەرسيتەتىنىڭ كلينيكالىق فارماكولوگيا كۋرسىنىڭ ىشكى اۋرۋلار كافەدراسىنىڭ اسسيستەنتى كۇلزيپا تاستەمىروۆا قازاقستاندىقتار ۆاكسيناسيا تۋرالى ءتۇرلى قاۋەسەتتەرگە سەنۋدى قويىپ، وزدەرى مەن وتباسى ءۇشىن قاۋىپسىزدىكتى تاڭدايتىنىنا سەنەدى، دەپ حابارلايدى اlmaty-akshamy.kz ءتىلشىسى.
«بۇگىنگى كۇنى كوپتەگەن ادامدار وزدەرىن عانا ەمەس، سونداي-اق جاقىندارىن ءقاۋىپتى ۆيرۋستان جانە ونىڭ زارداپتارىنان قورعاۋ ءۇشىن ۆاكسينا الۋ قاجەت ەكەنىن تۇسىنەدى. ەشكىم جاقىندارىنىڭ كوروناۆيرۋستىڭ جاناما اسەرىنەن زارداپ شەككەنىن قالامايدى»، - دەيدى مامان.
كۇلزيپا تاستەمىروۆا ۆاكسينالاۋ – پاندەميانى جەڭۋدىڭ جانە ۆيرۋستىڭ مۋتاسيا جىلدامدىعىن تەجەۋدىڭ بىردەن-بىر جولى دەپ سانايدى.
«مەنىڭ اينالامداعى بارلىق ادامدار ەكپە الدى: تۋىستارىم، دوستارىم، تانىستارىم، كورشىلەرىم. ولار قازىرگى جاعدايدىڭ ماڭىزدىلىعىن جانە كوپ نارسە وزىمىزگە، ءبىزدىڭ سانامىزعا بايلانىستى ەكەنىن تۇسىنەدى »، - دەيدى ساراپشى.
ەكپە الماس بۇرىن دارىگەرمەن كەڭەسۋ كەرەك. ويتكەنى ەكپە الۋعا بولمايتىن ادامداردىڭ ساناتى بار.
«ۇجىمدىق يممۋنيتەت قانشالىقتى تەز قالىپتاسسا، سوعۇرلىم ءبىز قالىپتى ومىرىمىزگە قايتا ورالامىز»، - دەپ قورىتىندىلادى مامان.