قوشقاربەك تاسبەرگەنوۆ 1954 جىلى قىزىلوردا وبلىسىنىڭ شيەلى اۋدانىنا قاراستى قازاقستاننىڭ 30 جىلدىعى اتىنداعى كەڭشاردا دۇنيەگە كەلگەن.
2023 جىلعى 25 قاڭتار كۇنى ساعات 16.00-دە مۋلتيمەديالىق ءداستۇرلى مۋزىكا ورتالىعىندا كۇيشى قوشقاربەك تاسبەرگەنوۆتى ەسكە الۋ ماقساتىندا «قازاقتىڭ قايتالانباس كۇي قىرانى» اتتى ءداستۇرلى مۋزىكالىق كەش وتەدى، دەپ حابارلايدى Almaty-akshamy.kz.
حالىق قاھارمانى، مەملەكەتتىك سىيلىقتىڭ لاۋرەاتى، كۇيشى، كومپوزيتور نۇرعيسا تىلەندييەۆ: «قازىرگى كەزدە مەن بىلەتىن جانە قۇرمەتپەن قارايتىن ءتورت دومبىراشى – ونەر يەسى بار. الدىمەن ايتايىن، ءبىرىنشىسى دە، بىرەگەيى دە – ءوزىڭ. ودان كەيىنگى ءوزىمنىڭ جەكەمەنشىك باۋىرىم قارشىعا، التايدىڭ اقيىعىنداي ماعاۋيا، ءتورتىنشىسى – دالامنىڭ جاسىل جۋسانىنداي قازاق ءيىسى بار دارىندى كۇيشى ءشامىل ابىلتايەۆ»، - دەپ ءبىر كەزدەرى سىردىڭ دارىندى ۇلى قوشقاربەك تاسبەرگەنوۆكە لايىقتى باعاسىن بەرگەن ەدى.
عيبراتتى عۇمىرىندا ونەر الەمىنىڭ بيىك شىڭىنا سامعاي بىلگەن قوشقاربەك تاسبەرگەنوۆ جايىندا ءالى تالاي ايتىلارى دا، جازىلارى دا ءسوزسىز. ءبىزدىڭ ايتارىمىز، قازاقتىڭ كۇي ونەرىن جالعايتىن وسىنداي دارىنداردىڭ ءىزىن باسار، قادامىن جالعار ونەرپازدار مەن بولاشاق ۇرپاققا ناسيحاتتاۋ - بارشامىزدىڭ مىندەتىمىز.
سىزدەردى «قازاقتىڭ قايتالانباس كۇي قىرانى» اتتى ءداستۇرلى مۋزىكالىق كەشتىڭ قۇرمەتتى قوناعى بولۋعا شاقىرامىز.
وتەتىن ورنى مەن ۋاقىتى: الماتى ق.، نۇركەنت 5/11
25 قاڭتار، 2023 ج.، ساعات 16:00.
قوسىمشا اقپارات: 393-40-18، 87471024267
Instagram: @museum_multimediya
Facebook: مۋلتيمەديالىق ءداستۇرلى مۋزىكا ورتالىعى