COVID-19 ىندەتىمەن اۋىرىپ، جازىلعاننان كەيىن ۆيرۋستىڭ دەنساۋلىققا تيگىزگەن جاعىمسىز اسەرىنىڭ سالدارىمەن كۇرەسۋ باستالادى.
ورگانيزم جۇيەلەرىنىڭ جۇمىسىنداعى بۇزۋشىلىقتاردان باسقا، كوۆيدپەن اۋىرعان ادامداردىڭ شامامەن 80%-ىندا 3-4 ايدان كەيىن شاشتىڭ ءتۇسۋى بايقالادى. بۇل ماسەلەمەن قالاي كۇرەسۋگە بولادى؟
ءبىر كەزدەرى شىعىستا ايەلدى شاشىنا قاراپ تاڭداۋ ءداستۇرى بولعان: ەگەر قىزدىڭ شاشى قالىڭ جىلتىر بولسا، بۇل ونىڭ دەنساۋلىعىنىڭ كەرەمەت ەكەنىن بىلدىرەدى. سوندىقتان شىعىس سۇلۋلارى شاشتارىنا مۇقيات قاراعان. ارينە، قازىرگى تاڭدا قالىڭدىق تاڭداۋ كريتەرييلەرى ايتارلىقتاي وزگەردى. ءبىراق ادەمى ساۋ شاش ءبارىبىر دەنساۋلىقتىڭ ويداعىداي ەكەندىگىنىڭ بەلگىسى بولىپ قالا بەرەدى. ادامنىڭ شاشى، تەرىسى، تىرناعى – بۇل ورگانيزمنىڭ جاي-كۇيىن كورسەتەتىن باستى مۇشەلەرى.
ۆيرۋستىق سوققى
وكىنىشكە قاراي، كوۆيدپەن اۋىرۋ ورگانيزمنىڭ ساۋلىعىنا جاعىمسىز اسەر ەتەدى. جۇرەك-تامىر، تىنىس الۋ، جۇيكە جۇيەلەرىندەگى بۇزىلۋلار سياقتى ءجيى كەزدەسەتىن ماسەلەلەردەن باسقا، ۇنەمى شارشاڭقىلىق سەزىنۋ، دەپرەسسيادان باسقا، كوروناۆيرۋسپەن اۋىرعان ادامداردىڭ شامامەن 80%-ىندا 3-4 ايدان كەيىن شاش ءتۇسۋى بايقالادى.
ەڭ جاعىمسىز تۇسى، بۇل پوستكوۆيدتىك شاش ءتۇسۋ سيندرومى ايەلدەردە جيىرەك كەزدەسەدى ەكەن. ايەلدىڭ يممۋندىق جۇيەسى ۆيرۋسقا كۇرت رەاكسيا بەرەدى، ءتىپتى قالپىنا كەلتىرىلگەننەن كەيىن دە، بۇكىل دەنەگە تارالعان ۆيرۋستىڭ ەڭ كىشكەنتاي بولشەكتەرى قابىنۋدى تۋدىرۋى مۇمكىن، بۇل، سايكەسىنشە، قالپىنا كەلۋدىڭ ۇزاۋىنا اكەلەدى.
ۆيرۋس اعزاعا ەنگەن كەزدە بارلىق رەسۋرستار ونىمەن كۇرەسۋگە كەتەدى. ورگانيزم بار رەسۋرسى سارقىلعانشا جۇمىس ىستەيدى، جاسۋشالاردىڭ، اسىرەسە، تەرىنىڭ قورەكتەنۋى بۇزىلادى. بۇل شاش فولليكۋلالارىنا اسەر ەتەدى. ۆ توبىنداعى دارۋمەندەردىڭ، مىرىشتىڭ، تەمىردىڭ جەتىسپەۋشىلىگى شاشتىڭ وسۋىنە جانە الوپەسياعا (تازدانۋ) كوبىرەك اسەر ەتەدى.
گورمونالدى تەپە-تەڭدىك
زياندى ۆيرۋس گورمونالدى كۇيگە دە تەرىس اسەر ەتەدى - كوپ ايەلدەر سيكلدىڭ بۇزىلۋىن، تونۋستىڭ تومەندەۋىن، ەنەرگيانىڭ جوعالۋىن جانە كوڭىل-كۇيدىڭ ناشارلاۋىن بايقاعان. كوۆيدكە بايلانىستى ەرتە مەنوپاۋزا جاعدايلارى دا بولدى. گورمونالدى بۇزىلىستاردى كوپتەگەن ۆيرۋستار، سونىڭ ىشىندە كوروناۆيرۋس تۋدىرادى.
قالپىنا كەلتىرۋ
دەنەنى تەز قالپىنا كەلتىرۋ جانە شاشتىڭ ءتۇسۋ ماسەلەسىن شەشۋگە قالاي كومەكتەسۋگە بولادى؟
قالپىنا كەلتىرۋ كەزەڭىندە دارىگەردىڭ بارلىق نۇسقاۋلارىن ورىنداۋ، سالاۋاتتى ءومىر سالتىن ۇستانۋ، تىنىس الۋ جاتتىعۋلارىن جاساۋ، كوبىرەك دەمالۋ، ۇيقى رەجيمىن قاتاڭ ساقتاۋ، تازا اۋادا جيىرەك بولۋ، كۇندەلىكتى جۇمىس كەستەسىنە جەڭىل دەنە جاتتىعۋلارىن ەنگىزۋ ماڭىزدى.
ورگانيزم اۋرۋدان سارقىلعاننان كەيىن قالپىنا كەلتىرۋ ءۇشىن قوسىمشا رەسۋرستار - ۆيتاميندەر مەن مينەرالدار قاجەت. كۇشتى يممۋنوپروتەكتورلار D3، C ۆيتاميندەرى، مىرىش يممۋندىق جۇيەگە كومەكتەسەدى، اۋرۋدان كەيىن تەزىرەك قالپىنا كەلتىرۋگە ىقپال ەتەدى، قابىنۋدى ازايتادى. سوندىقتان ولاردى قوسىمشا قابىلداۋ ماڭىزدى. سونىمەن قاتار، بۇل ميكروەلەمەنتتەر ءبىزدىڭ ورگانيزمىمىزدە كوبىنە جەتىسپەيدى. يممۋنيتەت كوتەرىلۋ ءۇشىن سەلەن، ماگنيي، تەمىر، يود سياقتى ميكروەلەمەنتتەردىڭ دە ماڭىزى كەم ەمەس.
شاشتىڭ ءتۇسۋىن توقتاتۋ ءۇشىن الدىمەن ۆ توبىنداعى ۆيتاميندەردى جەتكىلىكتى مولشەردە نەمەسە قوسىمشا قابىلداۋعا نازار اۋدارۋ كەرەك. ۆ2، ۆ3، ۆ5، ۆ6، ۆ7 دارۋمەندەرى كوللاگەن سينتەزىنە قاتىسادى، زات الماسۋدى بەلسەندىرەدى جانە شاش فولليكۋلالارىنا باراتىن قان اعىمىن قامتاماسىز ەتەدى، وسىنىڭ ارقاسىندا ول كوبىرەك قورەكتىك زاتتار مەن وتتەگى الادى - شاش تەز وسەدى، قالىڭ جانە جىلتىر بولادى.
ۆ توبىنىڭ دارۋمەندەرى ەتتە، بالىقتا، جارمادا كوبىرەك بولادى. ۆ3 دارۋمەنى (نيكوتين قىشقىلى) شاش تۇبىنە جاعۋعا ارنالعان كاپسۋلا تۇرىندەگى سۇيىق كۇيىندە دە ساتىلادى.
اعزانى قالپىنا كەلتىرۋ پروسەسىندە جانە، اتاپ ايتقاندا، شاشتىڭ وسۋىنە، ا جانە ە ۆيتاميندەرى انتيوكسيدانتتارى ماڭىزدى. ولار جاڭا جاسۋشالاردىڭ پايدا بولۋىنا ىقپال ەتەدى، ەلاستين مەن كوللاگەن وندىرۋدە ماڭىزدى ءرول اتقارادى جانە شاش تامىرلارىنا بوس راديكالدار مەن توكسيندەردىڭ زياندى اسەرلەردى بەيتاراپتايدى. ا دارۋمەنى كەراتين سينتەزىن بەلسەندىرەدى جانە مەتابوليكالىق پروسەستەردى قالىپقا كەلتىرەدى، بۇل شاش فولليكۋلالارىن نىعايتۋعا جانە دۇرىس دامىتۋعا، شاشتىڭ سىنعىشتىعىن جويۋعا جانە ولاردىڭ سەرپىمدىلىگىن ارتتىرۋعا كومەكتەسەدى. سونىمەن قاتار، ول مايدىڭ ءوندىرىلۋىن رەتتەيدى، شاشقا جىلتىر جانە جاقسى كۇتىمدى كورىنىس بەرەدى. ە دارۋمەنى (توكوفەرول) مەتابوليزم پروسەستەرىن جانە كاپيلليارلاردىڭ تونۋسىن جاقسارتادى، شاشتىڭ ءتۇسۋىن باياۋلاتادى جانە شاشتىڭ قورەكتەنۋىن جاقسارتادى.
بىرگە تيىمدىرەك!
ۆيتاميندەر مەن مينەرالداردى بىر-بىرىنەن بولەك قابىلداۋدىڭ قاجەتى جوق - بۇل، بىرىنشىدەن، وتە قىمبات جانە ميكروەلەمەنتتەردىڭ كومبيناسياسىن ءبىر-بىرىنىڭ اسەرىن جوققا شىعارىپ، كەدەرگى جاسامايتىنداي، كەرىسىنشە، اعزاعا جاقسى سىڭەتىندەي ەتىپ تاڭداپ الۋ كەز كەلگەن ادامنىڭ قولىنان كەلە بەرمەيدى. بۇل مىندەتتى ماماندارعا – تاجىريبەلى فارماسيەۆتەرگە تاپسىرعان دۇرىس. ءقازىر ءدارىحانالار سىزگە ءار ءتۇرلى ۆيتاميندىك جيىنتىقتاردى ۇسىنا الادى، نەگىزىنەن - بارلىعىنا ارنالعان جالپى كۇشەيتەتىن ۆيتاميندەر. ءبىراق ونىڭ سيپاتتامالارى مەن قاجەتتىلىكتەرىن ەسكەرە وتىرىپ، ايەل ورگانيزمى ءۇشىن ارنايى ازىرلەنگەن ۆيتاميندىك جيىنتىقتار بار ەكەنىن كوپ ادام بىلە بەرمەيدى.
سۇلۋلىق پەن دەنساۋلىقتى ساقتاۋ تەك ءسىزدىڭ قولىڭىزدا ەكەنىن ۇمىتپاڭىز. دەمالۋ جانە فيزيكالىق بەلسەندىلىك رەجيمىن ۇستانىڭىز، كوبىرەك ءجۇرىڭىز، اعزانى ىشتەن قورەكتەندىرە قولدايتىن جانە قالپىنا كەلتىرۋدى تەزدەتەتىن ۆيتاميندەردى قابىلداڭىز.