كورشىلەر شۋلاپ، ولاردىڭ جوندەۋ جۇمىسى بىتپەي جاتسا، نە ىستەۋگە بولادى؟ زاڭگەر دانيار بايعاباتوۆ Tengrinews.kz-كە جاۋاپ بەردى، - دەپ حابارلايدى aqshamnews.kz ءتىلشىسى.
— ءۇي استىنداعى ۇيقى بەرمەيتىن بار نەمەسە كافەنى قالاي جابۋعا بولادى؟
— مەكەمە تاراپىنان سانيتارلىق، ورتكە قارسى نەمەسە قوعامدىق تارتىپكە قاتىستى بۇزۋشىلىقتار بولعان جاعدايدا عانا ونى جابۋعا بولادى. الدىمەن ناقتى جاعدايلاردى تىركەۋ قاجەت. تەكسەرۋ كەزىندە ۋاكىلەتتى ورگاندار ەرەجەلەردىڭ ورەسكەل بۇزىلعانىن انىقتاسا، وبەكتىنىڭ قىزمەتىن توقتاتۋ نەمەسە جابۋ تۋرالى نۇسقاما بەرە الادى.
— اۋلاعا شلاگباۋمدى زاڭدى تۇردە قالاي ورناتۋعا بولادى؟
— شلاگباۋمدى ورناتۋعا بولادى، ءبىراق ءبىرقاتار شارت ساقتالۋى كەرەك. بىرىنشىدەن، ءۇي ماڭىنداعى اۋماق كوندومينيۋم رەتىندە تىركەلۋگە ءتيىس. ەگەر ول ۋاكىلەتتى ورگاندا تىركەلمەگەن بولسا، تۇرعىندار ورتاق مۇلىككە قاتىستى شەشىم قابىلداي المايدى. تىركەۋدەن كەيىن جانە باسقارۋ ءتۇرى — ميب (وسي) نەمەسە باسقارۋشى كومپانيا قۇرىلعان سوڭ تۇرعىندار داۋىس بەرۋ ارقىلى شەشىم قابىلداي الادى. نەگىزگى شارت — شلاگباۋم جەدەل قىزمەتتەردىڭ وتۋىنە كەدەرگى كەلتىرمەۋى كەرەك، تەحنيكالىق تۇرعىدا جارامدى بولۋى جانە تەك ءۇي ماڭىنداعى اۋماقتا ورناتىلۋعا ءتيىس.
— كورشىنىڭ جوندەۋ جۇمىسى بەتپەي جاتسا، نە ىستەۋگە بولادى؟
— زاڭ بويىنشا جوندەۋ ءبىر كۇنى اياقتالۋعا ءتيىس. ءبىراق جوندەۋ كەزىندە قوعامدىق ءتارتىپ جۇيەلى تۇردە بۇزىلسا، ۋچاسكەلىك پوليسەيگە جۇگىنۋ نەمەسە 102 ءنومىرى ارقىلى پوليسيا شاقىرۋ قاجەت. بۇزۋشىلىق راستالعان جاعدايدا جاۋاپكەرشىلىك قاراستىرىلادى. ماڭىزدىسى: كۇندىز شۋ شىعاراتىن جۇمىس ىستەۋگە تىيىم سالىنباعان.
ەگەر جوندەۋ كەزىندە تىرەك قابىرعانى رۇقساتسىز بۇزۋ سياقتى قۇرىلىمدىق وزگەرىستەر جۇرگىزىلسە، بۇل — زاڭبۇزۋشىلىق. مۇندايدا ساۋلەت جانە قالا قۇرىلىسى باسقارماسىنا شاعىمدانۋ قاجەت.
— اۋلادا ميكرواۆتوبۋستىڭ تۇرعانىنا كوپ بولدى. قويما رەتىندە پايدالانىلادى. ونى الىپ تاستاۋعا نەمەسە ەۆاكۋاسيالاۋعا بولا ما؟
— ءيا. پوليسياعا ءوتىنىش جازۋ قاجەت، كولىكتىڭ يەسىز جانە ءجۇرىپ-تۇرۋعا كەدەرگى كەلتىرەتىنىن كورسەتۋ كەرەك. پوليسيا قىزمەتكەرلەرى يەسىن انىقتاۋعا تىرىسادى. يەسى تابىلماسا، كولىك ارنايى تۇراققا ەۆاكۋاسيالانۋى مۇمكىن.
— كورشىم ءۇي سالىپ جاتىر، ءبىراق جەر تەلىمى شەكاراسىنا قويىلاتىن اراقاشىقتى ساقتامايدى. قالا قۇرىلىسىن باقىلاۋ كوميتەتى جاۋاپ بەرمەيدى. نە ىستەۋ كەرەك؟
— الدىمەن كوميتەتكە رەسمي شاعىم جولداۋ كەرەك. ەگەر جاۋاپ بولماسا نەمەسە ارەكەت ەتىلمەسە، جوعارى تۇرعان ورگاندارعا شاعىمدانۋ نەمەسە سوتقا جۇگىنىپ، ارەكەتسىزدىكتى زاڭسىز دەپ تانۋدى جانە شارا قولدانۋدى تالاپ ەتۋ كەرەك.