اتاپ ايتقاندا، ىنتىماق، جارتاس، جەزدى، اششىسۋ جانە شوقاي سۋ قويمالارى لىق تولدى.
ال سامارقان سۋ قويماسى 87%-عا دەيىن سۋ جينادى.
جالپى العاندا قاراعاندى وبلىسىنىڭ «قازسۋشار» فيليالىنا قاراستى سۋ قويمالارى 328 ملن تەكشە مەتر تاسقىن سۋ جينادى.
قازىرگى ۋاقىتتا فيليال سۋارۋ ماۋسىمىنا دايىندالىپ جاتىر. اۋىل شارۋاشىلىعى وندىرۋشىلەرىنەن سۋ الۋعا وتىنىمدەر جينالىپ، سۋ بەرۋ تۋرالى كەلىسىمشارتتار جاسالىپ جاتىر. سونىمەن قاتار كانالداردى تازالاۋ، سۋ ەسەپتەگىش قۇرالداردى ورناتۋ جانە سۋ بەكەتتەرىن تەكسەرۋ جۇمىستارى جۇرگىزىلىپ جاتىر.
«قاراعاندى فيليالىنىڭ نىساندارىندا كوكتەمگى تاسقىن كەزەڭى قالىپتى جاعدايدا ءوتتى. بۇل – الدىن الا جۇرگىزىلگەن دايىندىق جۇمىستارىنىڭ ناتيجەسى»،- دەدى قاراعاندى وبلىسىنىڭ «قازسۋشار» فيليالى ديرەكتورىنىڭ مىندەتىن اتقارۋشى مۋسليم اققوجين.