ەلىمىزدەگى مەملەكەتتىك ەلەكتروندى رەەستردىڭ دەرەگىنە سايكەس، «ە-ليسەنزيالاۋ» پورتالىندا 11 914 تۋراگەنت پەن 634 تۋروپەراتور تىركەلگەن.
ق ر تسم تۋريزم يندۋسترياسى كوميتەتىنىڭ جانە جەرگىلىكتى اتقارۋشى ورگانداردىڭ ينتەرنەت-رەسۋرستارىندا تۋروپەراتورلاردىڭ، تۋراگەنتتەردىڭ، گيدتەردىڭ، ەكسكۋرسوۆودتاردىڭ جانە تۋريزم نۇسقاۋشىلارىنىڭ رەەسترى ورنالاستىرىلعان.
ساياحاتشى تۋريستىك كومپانيالارعا جۇگىنگەن كەزدە تۋراگەنتتىڭ قىزمەتى تۋرالى حابارلامانى جانە تۋروپەراتوردىڭ ليسەنزياسى بار-جوعىن تەكسەرە وتىرىپ، بارلىق قاجەتتى قۇجاتتى تالاپ ەتۋگە قۇقىلى.
تۇتىنۋشىلاردى قورعاۋدىڭ نەگىزگى قۇرالىنىڭ ءبىرى – تۋريستىك كود. تۋركود – بۇل ارىپتەر مەن سانداردان تۇراتىن بىرەگەي كود، ونى تەكسەرۋ ارقىلى تۋريست تۋروپەراتوردىڭ ۇشۋ مەن تۇرۋ شىعىندارىن قابىلداۋشى تاراپقا جانە اۋە كومپانياسىنا تولەنگەنىنە كوز جەتكىزە الادى. بۇل بىرەگەي مەحانيزم تۋروپەراتوردىڭ ءوز مىندەتتەمەلەرىن ورىنداي الماۋى نەمەسە توتەنشە جاعدايلار/وقىس وقيعالار ورىن العان جاعدايدا تۋريستەردىڭ ەلگە قايتا ورالۋىن كەپىلدەندىرەدى.
بۇل شارالار تۋريستىك سالاداعى اشىقتىقتى ارتتىرۋعا، تۇتىنۋشىلاردىڭ قۇقىعىن قورعاۋعا جانە وتاندىق تۋريستىك كومپانيالارعا دەگەن سەنىمدى نىعايتۋعا باعىتتالعان.
ليسەنزيالانعان تۋروپەراتورلار مەن تىركەلگەن تۋراگەنتتەردىڭ وزەكتى تىزىمىمەن مىنا سىلتەمە ارقىلى تانىسا الاسىز: