قازاقستاندا الداعى بەس جىلدا تابىستى مىندەتتى تۇردە دەكلاراسيالاۋ جۇيەسى تولىعىمەن جويىلۋى مۇمكىن.
بۇل تۋرالى ءماجىلىس كۋلۋارىندا قارجى ۆيسە-مينيسترى ەرجان ءبىرجانوۆ مالىمدەدى، - دەپ حابارلايدى Aqshamnews.kz.
ونىڭ ايتۋىنشا، جاڭا سالىق كودەكسىندە دەكلاراسيانى الدىن الا تولتىرۋ رەجيمى قاراستىرىلعان. بۇل جۇيە ازاماتتاردىڭ سالىق مىندەتتەمەلەرىن ورىنداۋىن ەداۋىر جەڭىلدەتۋگە باعىتتالعان.
"ەگەر ءبىز باقىلاۋ-كاسسا ماشينالارى نەمەسە باسقا دا دەرەككوزدەر ارقىلى اينالىمدى كورىپ وتىرساق، سول نەگىزدە دەكلاراسيانى اۆتوماتتى تۇردە تولتىراتىن قىزمەت ۇسىنامىز. جالپى، كەلەسى بەس جىلدا دەكلاراسيانى ازاماتتاردىڭ وزدەرى تولتىرۋى قاجەتتىلىگى جويىلادى دەپ ويلايمىن. سەبەبى ءقازىر بارلىق مالىمەت اشىق. تولەمدەردى دە، كىرىستەردى دە كورىپ وتىرمىز، ولار بىزگە جەتكىزىلىپ وتىرادى. باسقا ورگانداردان دا اقپارات تۇسەدى. سوندىقتان بۇل جۇيە تاريحي تۇرعىدا ماڭىزىن جوعالتادى"، – دەدى ۆيسە-مينيستر.