الماتىنىڭ الاتاۋ اۋدانىنداعى قاراسۋ كولىنىڭ بويىنداعى سكۆەردى اباتتاندىرۋ جۇمىستارى اياقتالدى، - دەپ حابارلايدى Aqshamnews.kz.
قازاقستان رەسپۋبليكاسى كۇنىنە ورايلاستىرىلعان جوبانى ىسكە اسىرۋ وسى جىلدىڭ ءساۋىر ايىندا باستالعان ەدى.
12 مىڭ شارشى مەتردەن استام الاڭدا اۋقىمدى اباتتاندىرۋ جۇمىستارى جۇرگىزىلدى. اۋماق كوركەيتىلدى، ارت-نىساندار ورناتىلدى، ارىق وتكەلى مەن امفيتەاتر سالىندى. سونداي-اق، اۆتوماتتى سۋارۋ جۇيەسى جابدىقتالىپ، كوشەنى جارىقتاندىرۋ جەلىلەرى جۇرگىزىلدى.
تابيعي رەلەفتى ساقتاۋعا جانە قاراسۋ كولىنىڭ جاعالاۋىن ەكولوگيالىق جاقسارتۋعا ەرەكشە نازار اۋدارىلدى.
بۇگىندە بارلىق جۇمىس اياقتالدى. ەندى مىنە، سكۆەر قالا تۇرعىندارى دەمالاتىن زاماناۋي قوعامدىق كەڭىستىككە اينالدى.