ەلىمىزدە مەكتەپكە دەيىنگى تاربيە مەن وقىتۋدىڭ مازمۇنىن جاڭارتۋ ماقساتىندا 2025–2026 وقۋ جىلىندا «ەرتە جاستان كاسىپكە جانە ەڭبەككە باۋلۋ» پيلوتتىق جوباسى ىسكە قوسىلدى، - دەپ حابارلايدى Aqshamnews.kz
جوباعا رەسپۋبليكا بويىنشا 100 مەكتەپكە دەيىنگى ۇيىم قاتىسادى، ونىڭ ىشىندە 62 مەملەكەتتىك جانە 38 جەكەمەنشىك بالاباقشا بار. باعدارلاما 4 پەن 5 جاستاعى بالالاردى قامتيدى، دەپ حابارلايدى ق ر وقۋ-اعارتۋ مينيسترلىگى.
جوبانىڭ ماقساتى – بالالاردى ەڭبەككە باۋلۋ، ولاردىڭ بويىندا ەڭبەكقورلىق، جاۋاپكەرشىلىك جانە تاباندىلىق سياقتى قاسيەتتەردى قالىپتاستىرۋ. سونداي-اق مەكتەپكە دەيىنگى تاربيە مەن وقىتۋدىڭ ماڭىزدى باعىتتارىنىڭ ءبىرى — ەڭبەك پەن ءتۇرلى ماماندىق يەلەرىنە قۇرمەتپەن قاراۋدى ۇيرەتۋ.
جوبا مازمۇنى بالانىڭ جاس ەرەكشەلىگى مەن قىزىعۋشىلىعىنا ساي ازىرلەنگەن. بالالار كۇندەلىكتى ويىن جانە تاجىريبەلىك ىس-ارەكەت ارقىلى ءتۇرلى كاسىپ تۇرلەرىمەن تانىسادى، قاراپايىم ەڭبەك داعدىلارىن مەڭگەرەدى.
جوبا اياسىندا بالالاردىڭ ەڭبەككە دەگەن قىزىعۋشىلىعى ارتادى، ۇجىمدىق جۇمىس پەن ەڭبەك ەتۋ قابىلەتى داميدى، سونداي-اق بولاشاق كاسىبي باعداردىڭ العاشقى قادامى جاسالادى.