ىشكى ىستەر مينيسترلىگى قازاقستان ازاماتتارىنا قاتىستى زاڭسىز ارەكەتتەردىڭ جولىن كەسۋ ماقساتىندا ترانسۇلتتىق قىلمىستىق توپتاردى حالىقارالىق دەڭگەيدە انىقتاۋ جۇمىستارىن جالعاستىرىپ كەلەدى، - دەپ حابارلايدى Aqshamnews.kz.
- 21 قازان كۇنى ءىسساپار بارىسىندا قازاقستان رەسپۋبليكاسى ءىىم كيبەرقىلمىسقا قارسى ءىس-قيمىل دەپارتامەنتىنىڭ قىزمەتكەرلەرى رەسەي فەدەراسياسىنىڭ ءىىم كيبەرپوليسيا باسقارماسىمەن بىرلەسىپ، ۇزاق مەرزىمدى جەدەل شارالار ناتيجەسىندە رەسەيدىڭ ءۇش وڭىرىندە ينتەرنەت-الاياقتاردىڭ جولىن كەستى. ولار قازاقستان مەن تمد ەلدەرىنىڭ ازاماتتارىنا قاتىستى زاڭعا قايشى ارەكەتتەر جاساۋ ءۇشىن sim-كارتالاردى جەتكىزۋ جانە قوسۋ ارناسىن ۇيىمداستىرعان.
ارنايى وپەراسيا ناتيجەسىندە كۇدىكتىلەردەن 11 sim-box قۇرىلعىسى، 3 نوۋتبۋك، 31 ۇيالى تەلەفون، سونداي-اق 19 مىڭنان استام قازاقستاندىق جانە ەۋروپالىق sim-كارتالار تاركىلەندى. تاركىلەنگەن نوۋتبۋكتەردە 2023 جىلدىڭ باسىنان باستاپ ىسكە قوسىلعان ءتۇرلى بايلانىس وپەراتورلارىنىڭ ابونەنتتىك نومىرلەرى تۋرالى مالىمەتتەر ساقتالعان "لوگ-فايلدار" تابىلدى.
بۇل نومىرلەر الاياقتىق قوڭىراۋلار جاساۋ ءۇشىن پايدالانىلعان. زاڭسىز ارەكەتتەرى ءۇشىن رەسەي فەدەراسياسىنىڭ ءتورت ازاماتى ۇستالدى. بارلىق ءمان-جايلاردى انىقتاۋعا باعىتتالعان تەرگەۋ جانە جەدەل-ىزدەستىرۋ شارالارى جالعاسۋدا.
بىرلەسكەن ارەكەتتەر sim-كارتالاردى جەتكىزۋ ارناسىن جانە ترانسۇلتتىق ۇيىمداسقان توپتىڭ قىزمەتىن توقتاتۋعا، ازاماتتاردى الاياقتىق سحەمالارعا تارتۋدىڭ الدىن الۋعا، سونداي-اق حالىقارالىق كيبەرقىلمىسقا ەلەۋلى سوققى بەرۋگە مۇمكىندىك بەردى، - دەدى ق ر ءىىم كيبەرقىلمىسقا قارسى ءىس-قيمىل دەپارتامەنتى باستىعىنىڭ ورىنباسارى اسلان وسكەمبايەۆ.