ءىس-شارانىڭ ماقساتى - جاستاردى بەلسەندى سپورتقا تارتۋ.
2021 جىلدىڭ 19 شىلدەسىندە Nur Otan پارتياسى جانىنداعى Jas Otan جاستار قاناتىنىڭ الماتى قالالىق فيليالىنىڭ بەلسەندىلەرى مەن قازاقستان جاستار قوعامدىق قورى ساۋدا كاسىپورىندارىنىڭ جاس جۇمىسشىلارى اراسىندا «دۇيسەنبىلىك سپورت» فۋتبول ءتۋرنيرىنىڭ اشىلۋى ءوتتى، دەپ حابارلايدى Almaty-akhamy.kz.
تۋرنيرگە ساۋدا ورتالىعى مەن بازار، شاشتاراز سالوندارىنىڭ قىزمەتكەرلەرى قاتىستى.
مۇنداي ءىس-شارا "جاسوتاندىقتاردىڭ" ۇيىمداستىرۋىمەن ەكىنشى جىل وتكىزىلىپ وتىر. بيىلعى جىلى تۋرنير تۋرالى يدەيانى الماتى قالاسى اكىمدىگىنىڭ قوعامدىق دامۋ باسقارماسى قولدادى.
19 شىلدە كۇنى توعىز ءتۋرنيردىڭ ءبىرىنشى تۋرى ءوتتى. «سپارتاك» ستاديونىنىڭ الاڭىنا جاس فۋتبول جانكۇيەرلەرىنەن قۇرالعان 32 كوماندا جينالدى. ويىن 5+1 فورماتىندا ءوتتى.
ءىس-شارانىڭ ماقساتى - جاستاردى بەلسەندى سپورتقا تارتۋ، سالاۋاتتى ءومىر سالتىن ناسيحاتتاۋ، جاستار اراسىندا فۋتبولدى كەڭىنەن دامىتۋ.
«ءبىزدىڭ كوماندا قاتىسقان تۋرنير ءبىر كۇندىك ءىس-شارا بولىپ قانا قويماي، تۋرنيرلىك ماچتار ارى قاراي ءوز جالعاسىن تاباتىنى ءبىز ءۇشىن جاقسى. وسىنداي تۋرنيرلەرگە قاتىسقانىمىزعا قۋانىشتىمىز، ويتكەنى ول ءبىزدىڭ كوماندامىزدىڭ بىرلىگىن نىعايتادى، دامۋىمىز ءۇشىن جاڭا مۇمكىندىكتەر بەرەدى»، – دەپ تۋرنير قاتىسۋشىسى مەدەتوۆ دۋلات ءوز اسەرىمەن ءبولىستى.
ايتا كەتەيىك، كارانتين شارالارىنا بايلانىستى ماچتار كورەرمەندەردىڭ قاتىسۋىنسىز ءوتتى.
