اقمولا وبلىسىنىڭ اتباسار اۋدانىندا اۋىر جول-كولىك وقيعاسى بولدى، - دەپ حابارلايدى Aqshamnews.kz ءتىلشىسى.
23 قىركۇيەكتە Volkswagen Golf پەن Lada Granta كولىكتەرى سوقتىعىسىپ، سالدارىنان قايعىلى جاعدايعا ۇلاستى. بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى.
رەسمي دەرەكتەرگە سايكەس، Volkswagen Golf كولىگىندەگى كامەلەتكە تولماعان جولاۋشى وقيعا ورنىندا كوز جۇمدى. سونداي-اق وسى كولىكتىڭ جۇرگىزۋشىسى مەن ءتورت جولاۋشىسى جانە Lada Granta-نىڭ جۇرگىزۋشىسى مەن جولاۋشىسى ءارتۇرلى دەنە جاراقاتتارىمەن اۋرۋحاناعا جەتكىزىلگەن.
قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر. پروسەسسۋالدىق شەشىم تەرگەۋ ناتيجەسىنە قاراي قابىلدانادى.
پوليسيا دەپارتامەنتى جۇرگىزۋشىلەرگە جول ەرەجەسىن قاتاڭ ساقتاپ، جىلدامدىقتى شامادان تىس اسىرماۋعا جانە كولىكتىڭ تەحنيكالىق جاعدايىنا نازار اۋدارۋعا كەڭەس بەردى.