الماتى قالاسى بويىنشا قارجىلىق مونيتورينگ اگەنتتىگىنىڭ دەپارتامەنتى "Amir Capital" اتتى قارجى پيراميداسىن قۇرۋ جانە ونى باسقارۋ دەرەگى بويىنشا تەرگەۋ جۇرگىزىپ جاتىر، - دەپ حابارلايدى Aqshamnews.kz ءتىلشىسى. بۇل تۋرالى اگەنتتىكتىڭ باسپا ءسوز قىزمەتى مالىمدەدى.
رەسمي مالىمەتكە سايكەس، ءوزىن حالىقارالىق ينۆەستيسيالىق قور رەتىندە كورسەتكەن "Amir Capital" كومپانياسى ءۇش جىل بويى قازاقستان، بەلارۋس، رەسەي جانە قىرعىزستان ازاماتتارىنان كريپتوۆاليۋتا ساۋداسى، ماينينگ جانە ءتۇرلى جوبالارعا ينۆەستيسيالاۋ ارقىلى 5–10% تابىس ۋادە ەتىپ، قارجى تارتقان.
ينۆەستورلار كومپانيانىڭ رەسمي سايتى ارقىلى جولدانعان رەفەرالدى سىلتەمەلەر بويىنشا تىركەلگەن. قاراجات USDT، BTC، ETH سياقتى كريپتوۆاليۋتا تۇرىندە Amir Wallet ءاميانىنا اۋدارىلىپ وتىرعان.
اگەنتتىكتىڭ مالىمەتىنشە، تۇسكەن قاراجات قارجى پيراميداسىنىڭ كلاسسيكالىق پرينسيپىمەن بولىنگەن. بۇرىن تىركەلگەن قاتىسۋشىلارعا تولەمدەر كەيىنگى سالىمشىلاردىڭ اقشاسىنان تولەنىپ كەلگەن. وسى جوسپارمەن 40-تان استام ادام تارتىلعان.
2021 جىلدىڭ سوڭىندا سالىمشىلاردىڭ "amir.capital" پلاتفورماسىنان قاراجات شىعارۋ مۇمكىندىگى توقتاتىلعان. ۇيىمداستىرۋشىلار تەحنيكالىق اقاۋ دەگەن جەلەۋمەن تولەمدەردى قايتا باستايتىنىن ايتقانىمەن، قاراجات قايتارىلماعان.
تەرگەۋ بارىسىندا قۇنى 10 ملن اقش دوللارىنان اساتىن كريپتواكتيۆتەر جانە الماتى وبلىسىنداعى جەر تەلىمى بۇعاتتالدى. كۇدىكتىلەردىڭ ءبىرى سوت سانكسياسىمەن ەكى ايعا قاماۋعا الىندى.
قما تەرگەۋدى جالعاستىرىپ جاتىر. ق ر قىلمىستىق-پروسەستىك كودەكسىنىڭ 201-بابىنا سايكەس وزگە دەرەكتەر جاريالاۋعا جاتپايدى.