بريتانيالىق رەجيسسەر دجوناتان ەدۆاردس «قازاقستان» تەلەراديوكورپوراسياسىنىڭ شاقىرۋىمەن استانادا ءوتىپ جاتقان V دۇنيەجۇزىلىك كوشپەندىلەر ويىنىنا كەلدى، دەپ حابارلايدى aqshamnews.kz.
الەمدىك دەڭگەيدەگى ات جارىستارى مەن سپورتتىق شارالاردىڭ رەجيسسەرى 13 قىركۇيەك كۇنى «Qazsport» تەلەارناسىنان تىكەلەي ەفيردە كورسەتىلەتىن بايگەنىڭ ترانسلياسياسىنا رەجيسسەرلىك ەتەدى. بۇگىن «قازاقستان» تەلەراديوكورپوراسياسىنىڭ ءتۇسىرلىم توبىمەن بىرگە «قازانات» يپپودرومىندا بولىپ، كورپوراسيانىڭ تەحنيكالىق مۇمكىندىكتەرىمەن تانىستى.
دجوناتان ەدۆاردس – 20 جىلدان استام تاجىريبەسى بار سپورت رەجيسسەرى. رەگبي، بادمينتون، ترياتلون، اۆتو، موتوسپورت، گولف، حوككەي جانە ات سپورتىنان حالىقارالىق جارىستارعا، ونىڭ ىشىندە قازاقستاندىق سايگۇلىك «كابيرحان» قاتىسقان دۋبايداعى «Al Maktoum Challenge» تۋرنيرىنە رەجيسەرلىك ەتكەن.
كوشپەندىلەر ويىندارى اياسىنداعى ات جارىسى 13 قىركۇيەك كۇنى استانا ۋاقىتىمەن ساعات 9:00-دەن باستاپ كورسەتىلەدى. تىكەلەي ەفير ترانسلياسياسى ارنانىڭ You Tube، Facebook، Tik-Tok جەلىسىندەگى پاراقشالارى ارقىلى تاراتىلادى.