باقسى شاقىرىلعان مەكتەپتىڭ ديرەكتورى جۇمىسىنان كەتتى

جامبىل وبلىسىندا باقسى كەلگەن تۇرار رىسقۇلوۆ اۋدانىنداعى تەرەڭوزەك اۋىلىندا تەكسەرىس جۇرگىزىلدى.

تەكسەرۋدى جامبىل وبلىسىنىڭ بالا قۇقىقتارىن قورعاۋ جونىندەگى ۋاكىلى، جامبىل وبلىسىنىڭ ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتىنىڭ قىزمەتكەرلەرى جۇرگىزدى، دەپ حابارلايدى  aqshamnews.kz

وقيعا ورنىندا ءبىلىم بەرۋ، اقپارات جانە قوعامدىق دامۋ باسقارمالارىنىڭ قىزمەتكەرلەرى جۇمىس ىستەدى.

تەكسەرۋ ناتيجەسىندە تۇرار رىسقۇلوۆ اۋدانى اكىمىنىڭ ورىنباسارى ا. تەرلىكبايەۆ، جامبىل اتىنداعى مەكتەپ ديرەكتورى ە. زاكيمبايەۆا ءوز ەركىمەن قىزمەتىنەن كەتتى.

تۇرار رىسۇلوۆ اۋدانىنىڭ ىشكي ساياسات ءبولىمىنىڭ باسشىسىنا جانە تەرەڭوزەك اۋىلىنىڭ اكىمىنە قاتاڭ سوگىس تۇرىندە تارتىپتىك جازا قولدانىلدى.

ەسكە سالايىق، بۇعان دەيىن جامبىل وبلىسىندا مەكتەپكە باقسىنى شاقىرۋعا مۇعالىمدەردەن اقشا جينالعانىن جازعان ەدىك.

الەۋمەتتىك جەلىدەگى اقپارات بويىنشا باقسىنىڭ 4 مەترلىك شلەيفى بار كويلەگىن وقۋشىلار سۇيرەپ جۇرگەن. ەڭ قىزىعى، ول مەكتەپكە كومەكتەسەمىن دەگەن ويمەن مەكتەپكە جىرتىلعان كيىم، سىنعان ويىنشىقتار مەن ىسكە جارامايتىن كومپيۋتەر بەرگەن كورىنەدى.

باقسى ىشىمدىك پەن ەسىرتكىگە تاۋەلدىلىكتەن ەمدەيدى-مىس. "توميريس" مەكتەپكە "ماتەريالدىق كومەكتەن" بولەك، 500 مىڭ اۋدارامىن دەپ ۋادە بەرگەن. الايدا ول اقشانى اۋدارماعان. ال مەكتەپ مۇعالىمدەرىنەن 4 مىڭ تەڭگەدەن جيناعان.

جەلىدەگى اقپاراتقا سايكەس بۇل كەزدەسۋدى اۋدان اكىمدىگى ۇيىمداستىرعان كورىنەدى.

كۇنى كەشە وقۋ-اعارتۋ ءمينيسترى عاني بەيسەمبايەۆ بۇل جايتقا قاتىستى پىكىر ءبىلدىردى.