الماتى قالاسى كوممۋنالدىق ينفراقۇرىلىمدى دامىتۋ باسقارماسى 2024 جىلعى 29 شىلدەدەن 7 تامىزعا دەيىن بولعان «الماتى جاستارى» باعدارلاماسى اياسىندا وتىنىمدەردى قابىلداۋدى اياقتادى. وسى جىلى www.almaty-zhastary2024.kz پلاتفورماسىندا 7072 ءوتىنىم بەرىلدى، بۇل جاستاردىڭ باعدارلاماعا دەگەن قىزىعۋشىلىعىنىڭ جوعارى ەكەندىگىن كورسەتەدى.
باعدارلاما اياسىندا تۇرعىن ءۇي ساتىپ الۋعا كەمىندە 1200 زاەم بەرۋ جوسپارلانعان.
كەلىپ تۇسكەن وتىنىمدەردى سالالار بويىنشا ءبولۋ كەلەسىدەي:
- دەنساۋلىق ساقتاۋ – 1662
- ءبىلىم بەرۋ – 2434
- مادەنيەت – 430
- سپورت – 129
- جوو مەن عزي – 717
- جۋرناليستەر – 123
- الەۋمەتتىك سالا – 352
- قۇقىق قورعاۋ ورگاندارى – 538
- كوممۋنالدىق قىزمەتتەر – 433
- جۇمىس ىستەيتىن جاستار – 254
مۇقيات قاراستىرۋدان كەيىن 1924 ءوتىنىم وڭ قارالىپ، ماقۇلداندى.
ماقۇلدانعان وتىنىمدەر كەلەسىدەي:
- دەنساۋلىق ساقتاۋ – 456
- ءبىلىم بەرۋ – 662
- مادەنيەت – 165
- سپورت – 42
- جوو مەن عزي – 196
- جۋرناليستەر – 57
- الەۋمەتتىك سالا – 40
- قۇقىق قورعاۋ ورگاندارى – 170
- كوممۋنالدىق قىزمەتتەر – 105
- جۇمىس ىستەيتىن جاستار – 31
1200 ءوتىنىم بەرۋشى «وتباسى بانك» اق-نان تولەم قابىلەتتىلىگىنەن ءوتۋ ءۇشىن جولداما الادى. جولدامانى العان قاتىسۋشىلار 15 (ون بەس) جۇمىس كۇنى ىشىندە تولەم قابىلەتتىگىن باعالاۋدان ءوتۋ ءۇشىن «وتباسى بانك» اق-نىڭ كەز كەلگەن قىزمەت كورسەتۋ ورتالىعىنا جۇگىنۋ قاجەت. تولەم قابىلەتتىلىگىن راستاعان قاتىسۋشىلار 45 (قىرىق بەس) كۇنتىزبەلىك كۇنى ىشىندەالعاشقى جانە ەكىنشى نارىقتا تۇرعىن ءۇي تاڭداي الادى.
724 قاتىسۋشى نەگىزگى ءتىزىم بويىنشا تولەم قابىلەتتىلىگىن راستاۋ اياقتالعانشا رەزەرۆتىك تىزىمدە بولادى. 5148 قاتىسۋشىنىڭ قۇجاتى قايتارىلدى. قايتارىلۋدىڭ نەگىزگى سەبەپتەرى جۇمىس ورنىنىڭ باعدارلاما تالاپتارىنا سايكەس كەلمەۋى، تۇرعىن ۇيگە قاجەتتى انىقتامالاردىڭ بولماۋى، ءوتىنىش بەرگەن ساتتە تۇرعىن ءۇيدىڭ بولۋى، سوڭعى 6 ايداعى زەينەتاقى جيناقتارىنىڭ بولماۋى جانە ت.ب.
«الماتى جاستارى» باعدارلاماسىنىڭ قورىتىندىسى تۋرالى باسقا دا تولىق اقپاراتتار www.almaty-zhastary2024.kz سايتىندا قولجەتىمدى بولادى.