جىل سايىن ارالار جاپپاي قىرىلادى.
بۇل جايىندا aqshamnews.kz cايتى islam.kz پورتالىنا سىلتەمە جاساي وتىرىپ حابارلايدى.
2000 جىلى رەسەيدە ارالار وتباسى 3،4 ميلليون بولسا، ال 2021 جىلى سانى 2،8 ميلليونعا قىسقاردى. تۋرا وسىنداي جاعداي تۇركيادا، يتاليادا، قىتايدا، امەريكا قۇراما شتاتتارىندا جانە ۇلىبريتانيادا بايقالعان. اقش اۋىل شارۋاشىلىعى مينيسترلىگىنىڭ دەرەگى بويىنشا سوڭعى 10 جىلدا ءبىر ارا ءۇيىرىنىڭ ورتاشا بال مولشەرى 225 گراممعا قىسقاردى. ءبىر ارا ءبىر كەلى بال جيناۋى ءۇشىن 3-4 ملن گۇلگە قونۋى ءتيىس ەكەن.
ال ومارتاشىلار گۇل مەن ونىڭ ۇياسى اراسىنداعى ورتاشا قاشىقتىق 1،5 شاقىرىمنان اسپاۋى كەرەك. ارا ءبىر كەلى بال جيناۋى ءۇشىن 400 مىڭ شاقىرىم قاشىقتىققا دەيىن شارلاۋى قاجەت ەكەن. ءبىر ارا وتباسى جىلىنا 30 كەلىگە دەيىن بال جيناي الادى. ال ارالار سانىنىڭ جىل وتكەن سايىن كەمۋىنە اۋىل شارۋاشىلىعىندا زيانكەستەرگە قارسى قولدانىلاتىن تىڭايتقىشتار مەن حيميكاتتار، سونىڭ ىشىندە گەربيسيدتەر سەبەپ بولىپ وتىر.
ەڭ باستى فاكتور – كليمات داعدارىسى. كوكتەم ەرتە شىعىپ، اياق استىنان سوعاتىن ۇسىككە ۇرىنىپ، قىرىلىپ جاتقاندارى قانشاما. جاھاندىق جىلىنۋعا بايلانىستى قارقىن العان توپىراق قۇنارىنىڭ جوعالۋى (توپىراق دەگرەداسياسى) دا ارالاردىڭ قىرىلۋىنا سەبەپ بولعان.