بالالاردى قورعاۋ كۇنىنە ارنالعان اۋقىمدى قالالىق اكسيا اياسىندا №6 مەكتەپ-گيمنازياسىندا جاپپاي تاڭعى جاتتىعۋ ءوتتى، - دەپ حابارلايدى aqshamnews.kz ءتىلشىسى.
ۇل-قىزدار ساپقا تۇرىپ، ءتۇرلى جاتتىعۋلاردى بەلسەندى ورىندادى. كوڭىلدى مۋزىكا بالالاردىڭ قيمىلىنا سەرپىن بەرىپ، كىشى سىنىپ وقۋشىلارى وزدەرىنەن ۇلكەندەرگە دەس بەرمەي، بار ىنتاسىمەن قاتىسقان. بالالاردىڭ كوڭىلىن كوتەرگەن جايت — جازعى دەمالىستىڭ باستالۋى مەن وقۋ جىلىنىڭ اياقتالۋى.
وقۋشىلاردى جازعى دەمالىستىڭ باستالۋىمەن جانە كەلە جاتقان مەرەكەمەن مەكتەپ مۇعالىمدەرى مەن ارنايى كەلگەن قوناقتار قۇتتىقتادى. ولاردىڭ ىشىندە – فۋتزالدان قازاقستان قۇراماسى مەن الماتىلىق "قايرات" كومانداسىنىڭ بۇرىنعى ويىنشىسى سەرىك جامانقۇلوۆ تا بولدى.
سپورتشى بالالارعا تەك وقۋدا تابىس ەمەس، سونىمەن قاتار مىقتى ءارى ەپتى بولىپ ءوسىپ، ەلگە لايىقتى ازامات بولۋدى تىلەدى.
"بۇگىنگى تاڭعى جاتتىعۋ بالالاردى قورعاۋ كۇنىنە ارنالعان رەسپۋبليكالىق اكسيا اياسىندا ءوتىپ جاتىر. بۇل – سالاۋاتتى ءومىر سالتىن ناسيحاتتاۋدىڭ ءبىر جولى. كىشى جانە جوعارى سىنىپ وقۋشىلارى شاراعا ۇلكەن قىزىعۋشىلىقپەن قاتىستى"، – دەدى مەكتەپ-گيمنازيا ديرەكتورى ايدار بۋيتوۆ.
جاتتىعۋ اياقتالعان سوڭ وقۋشىلار ۇيگە اسىقپاي، تانىمال سپورتشىدان قولتاڭبا الىپ، ەستەلىك سۋرەتكە ءتۇستى.
"سپورت — تەك دەنساۋلىقتىڭ كەپىلى ەمەس، سونىمەن قاتار تارتىپكە باۋليتىن قۇرال. ەڭ باستىسى – بالالاردىڭ بوس ۋاقىتىن پايدالى وتكىزۋىنە كومەكتەسىپ، كوشە اسەرىنەن اۋلاق ۇستايتىن مۇمكىندىك"، – دەدى ون دۇركىن قازاقستان چەمپيونى.