بۇل تۋرالى ءىىم-نىڭ بريفينگىندە ايتىلدى.
ينتەرنەت الاياقتارى 7 ملرد تەڭگە شىعىن كەلتىرگەن، دەپ حابارلايدى Almaty-akshamy.kz Baq.kz- كە سىلتەمە جاساپ.
«جىل باسىنان بەرى ەلىمىزدە 12 مىڭعا جۋىق ينتەرنەت-الاياقتىق تىركەلدى. قىلمىسكەرلەردىڭ كەسىرىنەن 7 ملرد تەڭگە شىعىن كەلتىرىلدى. 571 ينتەرنەت-الاياق ۇستالىپ، 17 ۇيىمداسقان قىلمىستىق توپ جويىلدى. ينتەرنەت-الاياقتىقتىڭ ەڭ كوپ تىركەلۋى نۇر-سۇلتان (2295)، الماتى (1486) قالالارى مەن قاراعاندى وبلىسىندا (1150) بايقالادى.ءىىم ينتەرنەت-الاياقتىقتىڭ الدىن الۋ ءۇشىن ەسكەرتۋلەر سيپاتىنداعى SMS-تەر جىبەرۋدى باستادى»، - دەدى شۇعىلا تۇرلىبەك.
ول اتاپ وتكەندەي، SMS ارقىلى الاياقتىق تۋرالى حالىقتى ءبىرىڭعاي حاباردار ەتۋ تۋرالى 4 تامىزدا ىشكى ىستەر ءمينيسترىنىڭ سيفرلىق دامۋ مينيسترلىگىنىڭ وكىلدەرىمەن جانە بايلانىس وپەراتورلارىمەن كەزدەسۋىندە ايتىلعان بولاتىن.
«ءموبيلدى بايلانىس قازاقستاننىڭ ءاربىر تۇرعىنىنا تۇرعىلىقتى جانە ورنالاسقان جەرىنە قاراماستان قولجەتىمدى بولعاندىقتان، SMS ارقىلى الاياقتىق فاكتىلەرى تۋرالى اقپارات بەرۋ ازاماتتاردى جەدەل حاباردار ەتۋگە مۇمكىندىك بەرەدى. قازىرگى ۋاقىتتا Kcell قولدانۋشىلارىنا ەسكەرتپە SMS-تەر جىبەرىلدى. تاراتۋ جۇيەسىنىڭ شەكتەۋلەرىنە بايلانىستى SMS ماتىندەرىندەگى تاڭبالار سانى شەكتەۋلى. سوندىقتان حابارلاما ءماتىنى قىسقارتىلعان. ىشكى ىستەر مينيسترلىگى بارشا ازاماتتاردى ساق بولۋعا شاقىرادى»، - دەدى ول.