حالىققا قىزمەت كورسەتۋ ورتالىقتارىندا ەڭ كوپ پايدالانىلاتىن 10 قىزمەت ونلاين فورماتقا اۋىستىرىلادى، دەپ حابارلايدى aqshamnews.kz
وسىلايشا ورتالىقتارداعى ۇزىن سونار كەزەك ازايادى. بۇگىندە بۇل قىزمەتتەر ازاماتتاردىڭ بارلىق وتىنىشتەرىنىڭ 80%-ىن قۇرايدى. ازىرگە تەست رەجيمىندە بىرنەشە قىزمەت جۇمىس ىستەپ تۇر.
بۇل - جەكە كۋالىكتى جانە جۇرگىزۋشى كۋالىگىن اۋىستىرۋ، سونداي-اق ەلەكتروندى سيفرلىق قولتاڭبانى بەرۋ. جاقىن ارادا كولىكتى تىركەۋ، باسپاناعا تىركەۋگە تۇرۋ جانە جەر ۋچاسكەسىنە قۇجاتتاردى راسىمدەۋ ونلاين فورماتقا اۋىسىرىلادى.
ال جىلجىمايتىن مۇلىكتى تىركەۋ، شەتەلدىكتەرگە جەكە سايكەستەندىرۋ نومەرىن بەرۋ جانە كاداسترلىق پاسپورتتار بەرۋ جىل سوڭىنا دەيىن ىسكە قوسىلادى. تولىق سيفرلاندىرۋدان كەيىن حالىققا قىزمەت كورسەتۋ ورتالىقتارىنىڭ جۇكتەمەسى ەكى ەسەگە قىسقارادى.
ال ولاردىڭ ينفراقۇرىلىمى ازاماتتاردى سيفرلىق داعدىلارعا ۇيرەتۋ ءۇشىن پايدالانىلاتىن بولادى.