جەتىسۋ وبلىسىنىڭ پروكۋراتۋراسى "ارداگەرلەر ساياباعىنا" ىرگەلەس جاتقان جەر ۋچاسكەلەرىن مەملەكەتتىك مەنشىككە قايتاردى، - دەپ حابارلايدى aqshamnews.kz ءتىلشىسى.
Cوتپەن تالدىقورعان پروكۋرورىنىڭ "ارداگەرلەر ساياباعىنا" ىرگەلەس ورنالاسقان جالپى اۋدانى 4،1 گەكتار جەر ۋچاسكەسىن جەكە تۇلعاعا بەرۋ دەرەگىن زاڭسىز دەپ تانۋ جانە بۇل جەرلەردى مەملەكەتتىك مەنشىككە قايتارۋ تۋرالى تالاپ ارىزى قاناعاتتاندىرىلدى.
قاداعالاۋ ءىس-شارالارى بارىسىندا كورسەتىلگەن جەر ۋچاسكەسى ورمان-ساياباق ايماققا جاتاتىنى جانە 2006 جىلى زاڭ تالاپتارىن بۇزا وتىرىپ جەكە مەنشىككە زاڭسىز بەرىلگەنى انىقتالدى. كەيىننەن جەر ۋچاسكەسى 44 جەكە ۋچاسكەگە ءبولىنىپ، 13 تۇلعاعا ساتىلعان.
سوت اكتىسى زاڭدى كۇشىنە ەندى.
جەتىسۋ وبلىسىنىڭ پروكۋراتۋراسى جەر زاڭناماسىنىڭ ساقتالۋىن قامتاماسىز ەتۋ، مەملەكەتتىك جانە قوعامدىق مۇددەلەردى قورعاۋ، سونداي-اق ورتاق پايدالانۋداعى اۋماقتاردى ساقتاۋ باعىتىنداعى جۇمىستى تۇراقتى نەگىزدە جۇرگىزىپ جاتىر.
جەتىسۋ وبلىسىندا 4،1 گەكتار جەر مەملەكەتكە قايتارىلدى
- 09:46، 12 قاڭتار 2026
agroinfo.kz