قازاقستاندىق تانىمال بلوگەر قايسار قامزاعا رەسمي تۇردە ىزدەۋ جاريالاندى، - دەپ حابارلايدى aqshamnews.kz ءتىلشىسى.
قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالانعان مالىمەتكە سايكەس، 1995 جىلعى 18 قىركۇيەكتە تۋعان قامزا قايسار باقىتجان ۇلى 2024 جىلعى 10 قاڭتاردان بەرى ىزدەستىرىلىپ جاتىر. ىزدەۋ شارالارىن قارجى مونيتورينگى اگەنتتىگىنىڭ استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتى جۇرگىزىپ جاتىر.
qamqor.gov.kz
ءقازىر قىلمىستىق ءىستىڭ ناقتى ءمان-جايى مەن ايىپتاۋ بابى رەسمي تۇردە جاريالانعان جوق.
ايتا كەتەيىك، قايسار قامزا – الەۋمەتتىك جەلىلەردە تانىمال بلوگەر. ونىڭ Instagram پاراقشاسىندا 2،6 ميلليوننان اسا وقىرمانى بار، ال TikTok-تا 340 مىڭنان اسادى.