الماتىنىڭ جەتىسۋ اۋدانىندا جىل باسىنان بەرى 19 شاقىرىم جول جوندەلدى. بۇل تۋرالى الماتى وڭىرلىك كوممۋنيكاسيالار قىزمەتىنىڭ ونلاين بريفينگىندە جەتىسۋ اۋدانىنىڭ اكىمى گۇلنار كوكەبايەۆا مالىمدەدى، دەپ حابارلايدى اlmaty-akshamy.kz.
ءتورت جەردە ۇزىندىعى 2،6 شاقىرىم تروتۋارلار جوندەلدى، 27 مەكەنجاي بويىنشا جالپى ۇزىندىعى 4،4 شاقىرىمدى قۇرايتىن ارىق جەلىلەرىنە جوندەۋ جۇمىستارى جۇرگىزىلىپ جاتىر.
اكىمدىك اۋماعىندا قاسبەتتى جاقسارتۋ جۇمىستارىنىڭ قارقىن الۋدا. 7700 اعاشتى سانيتارلىق كەسۋ جانە 2100 دانا كولەمىندە ءپىشىندى كەسۋ جۇمىستارى جۇرگىزىلدى. اۋدان اكىمدىگىنىڭ قىزمەتكەرلەرى، ەرىكتىلەر مەن جاستار قاتىسقان 25 سەنبىلىكتىڭ ناتيجەسىندە 528 تەكشە مەتر قوقىس شىعارىلدى.
گۇلنار كوكەبايەۆا اۋداندا قازىبايەۆ – رىسقۇلوۆ – تاتىبەكوۆ – رايىمبەك جانە سەيفۋللين - سولتۇستىك اينالىم – رىسقۇلوۆ – بورالداي كوشەلەرىنىڭ كۆادراتىندا سۋمەن جابدىقتاۋ جانە سۋدان بۇرۋ جەلىلەرىن توسەۋ جۇمىستارى اياقتالاتىنىن حابارلادى.
سونىمەن قاتار، كەمەل شاعىناۋدانى مەن پالادين، پاۆلودار، بۋرۋندايسكايا كوشەلەرى جانە رىسقۇلوۆ – تاتىبەكوۆ – رايىمبەك – كۋدەرين كوشەلەرىنىڭ كۆادراتىندا ەلەكترمەن جابدىقتاۋ جەلىلەرىن رەكونسترۋكسيالاۋ جۇمىستارى جۇرگىزىلۋدە. جۇمىستاردى اياقتاۋدىڭ جوسپارلانعان مەرزىمى – 2022 جىلدىڭ 4ء-شى توقسانى.