«قازاقستان رەسپۋبليكاسىنىڭ مينەرالدىق شيكىزاتتى كەشەندى قايتا وڭدەۋ جونىندەگى ۇلتتىق ورتالىعى» شجق رمك «د.ا. قونايەۆ اتىنداعى تاۋ-كەن ىستەرى ينستيتۋتى» فيليالىنىڭ عالىمدارى جەر استى جارىلىستارىن تىكەلەي جەر بەتىنەن باقىلاۋدىڭ زاماناۋي جۇيەسىن ازىرلەپ، ونەركاسىپتىك پايدالانۋعا ەنگىزدى، دەپ حابارلايدى aqshamnews.kz.
جاڭا جۇيەنىڭ باستى ارتىقشىلىعى – قاۋىپسىزدىكتى تۇبەگەيلى ارتتىرۋ. وپەراتورلار جەر استىنداعى جارىلعىش زاريادتاردى جەر بەتىندەگى ءقاۋىپسىز جەردەن جارۋ پروسەسىن باستايدى. ارنايى داچيكتەر زاريادتاردىڭ جارىلۋ فاكتىسىن تىركەپ، جارىلىس تۋرالى وبەكتيۆتى مالىمەتتەر بەرەدى.
«ۆوسحود» كەنىشىندە پروسەستەردى اۆتوماتتاندىرۋ جانە قاشىقتان باسقارۋ ارقىلى ونەركاسىپتىك پروسەستەردىڭ قاۋىپسىزدىگى مەن تيىمدىلىگىن ارتتىرۋعا كەپىلدىك بەرەتىن جەراستى جارىلىستى باسقارۋ جۇيەسى ەنگىزىلدى.